|
ബൗളിങ് പരിശീലനം നടത്തി
വളരെ അപൂര്വ്വമായി മാത്രമേ കോലി മല്സരങ്ങളില് ബൗള് ചെയ്യുന്നതായി കണ്ടിട്ടുള്ളൂ. മീഡിയം പേസര് കൂടിയായ അദ്ദേഹം ലോകകപ്പില് തന്റെ ഈ കഴിവ് ഒന്നു കൂടി മിനുക്കിയെടുത്തു ടീമിനെ സഹായിക്കാനൊരുങ്ങുകയാണ്. ഇതിന്റെ ഭാഗമായി നെറ്റ്സില് ബാറ്റിങിനെക്കൂടാതെ കൂടുതല് സമയം ബൗളിങിനായും അദ്ദേഹം സമയം ചെലവിടുന്നുണ്ട്. ഓഫ് കട്ടറുകളാണ് കോലി നെ്റ്റ്സില് കൂടുതലും പരിശീലിച്ചത്.
നേരത്തേ ചില മല്സരങ്ങളില് കോലി ബൗള് ചെയ്തിട്ടുണ്ട്. നിര്ണായക ബ്രേക്ക്ത്രൂകളും അദ്ദേഹം അന്നു ടീമിനു സമ്മാനിച്ചിരുന്നു.
ആദ്യ കളിയില് പതറി
ലോകകപ്പിനു മുന്നോടിയായി മെയ് 25നു ന്യൂസിലാന്ഡിനെതിരേ നടന്ന ആദ്യ സന്നാഹ മല്സരത്തില് ഇന്ത്യ പരാജയപ്പെട്ടിരുന്നു. കിവി ബൗളര്മാരുടെ പേസിനും സ്വിങിനും മുന്നില് ഇന്ത്യന് ബാറ്റിങ് നിരാശപ്പെടുത്തിയിരുന്നു. വെറും 179 റണ്സിന് ഇന്ത്യ പുറത്താവുകയും ചെയ്തു. ഈ കളിയില് ബൗളിങ് നിരയുടെയും പ്രകടനം അത്ര മികച്ചതായിരുന്നില്ല.
ചെറിയ സ്കോര് ആയിരുന്നെങ്കില് കൂടി ന്യൂസിലാന്ഡിനെ സമ്മര്ദ്ദത്തിലാക്കുന്നതില് ഇന്ത്യന് ബൗളിങ് നിര പരാജയപ്പെട്ടിരുന്നു. എന്നാല് ആദ്യ മല്സരത്തില് നിന്നും പാഠമുള്ക്കൊണ്ട് തിരിച്ചുവന്ന ഇന്ത്യ രണ്ടാമത്തെ കൡയില് ബംഗ്ലാദേശിനെ തകര്ത്തുവിട്ടിരുന്നു.
ബുംറയുടെ ഫോം
കരിയറിലെ ആദ്യ ലോകകപ്പ് കളിക്കുന്ന ലോക ഒന്നാം നമ്പര് ബൗളര് കൂടിയായ ജസ്പ്രീത് ബുംറയുടെ ഫോം കോലിയുടെ പ്രതീക്ഷകള് വര്ധിപ്പിക്കുന്നുണ്ട്. ന്യൂസിലാന്ഡിനെതിരായ ആദ്യ സന്നാഹത്തില് നാലോവറില് ബൗള് ചെയ്ത ബുംറ രണ്ടു വിക്കറ്റെടുത്തിരുന്നു.
ബംഗ്ലാദേശിനെതിരേയും താരം നിരാശപ്പെടുത്തിയില്ല. അഞ്ചോവറില് 25 റണ്സിന് ഈ മല്സരത്തിലും ബുംറ രണ്ടു വിക്കറ്റ് വീഴ്ത്തിയിരുന്നു.