ഒരിക്കലും പ്രോല്സാഹിപ്പിക്കില്ല
സ്ത്രീകളെക്കുറിച്ച് പാണ്ഡ്യയുടെയും രാഹുലിന്റെയും പരാമര്ശങ്ങള് അതിരു കടന്നു പോയെന്നും ഇതു പോലുള്ള കാര്യങ്ങള് ഒരിക്കലും ഇന്ത്യന് ടീം പ്രോല്സാഹിപ്പിക്കില്ലെന്നും കോലി വ്യക്തമാക്കി.
തങ്ങള്ക്കു സംഭവിച്ച തെറ്റിനെക്കുറിച്ച് രണ്ടു താരങ്ങള്ക്കും ഇപ്പോള് ബോധ്യമായിട്ടുണ്ടാവുമെന്നും ഈ സംഭവത്തിന്റെ വ്യാപ്തി എത്രത്തോളം വലുതാണെന്ന് ഇരുവരും ഇതിനകം തിരിച്ചിറിഞ്ഞിട്ടുണ്ടാവുമെന്നും കോലി പറഞ്ഞു. ഓസീസിനെതിരേ ശനിയാഴ്ച നടക്കുന്ന ആദ്യ ഏകദിനത്തിന് മുന്നോടിയായി സംസാരിക്കുകയായിരുന്നു അദ്ദേഹം.
അവരുടെ മാത്രം അഭിപ്രായം
ടെലിവിഷന് ഷോയില് പാണ്ഡ്യയും രാഹുലും പറഞ്ഞ കാര്യങ്ങള് അവരുടെ മാത്രം അഭിപ്രായമാണെന്നും താനടക്കമുള്ള ടീമിലെ മറ്റൊരാള്ക്കും അതിനോടു യോജിപ്പില്ലെന്നും കോലി വ്യക്തമാക്കി.
ഇന്ത്യന് ക്രിക്കറ്റ് ടീം ഇതുപോലെയുള്ള അഭിപ്രായപ്രകടനങ്ങളെ ഒരിക്കലും പിന്തുണയ്ക്കില്ല. വളരെ ഉത്തരവാദിത്വമുള്ള ക്രിക്കറ്റര്മാരാണ് ഇന്ത്യന് ടീമിലുള്ളത്. പാണ്ഡ്യുയും രാഹുലം പറഞ്ഞതിനോടു തങ്ങള്ക്കാര്ക്കും യോജിപ്പില്ലെന്നും കോലി പറഞ്ഞു.
ടീമിനെ ബാധിക്കില്ല
പാണ്ഡ്യക്കും രാഹുലിനുമെതിരായ നടപടി ഇന്ത്യന് ക്രിക്കറ്റ് ടീമിനെ ഒരു തരത്തിലും ബാധിക്കില്ലെന്ന് കോലി വ്യക്തമാക്കി. ഇതു ടീമിലെ മറ്റുള്ളവരെയോ ഡ്രസിങ് റൂമിനെയോ ബാധിക്കില്ല. ഇത്രയും കാലമായി ടീമിന്റെ ഡ്രസിങ് റൂമിലുള്ള സ്പിരിറ്റ് ഈയൊരു സംഭവം കൊണ്ട് ഇല്ലാതായിപ്പോവില്ല. രണ്ടു പേരുടെ വ്യക്തിപരമായ അഭിപ്രായം മാത്രമാണ് ഇപ്പോള് വിവാദമായിരിക്കുന്നത്. അത് അനുചിതമായിപ്പോയെന്ന നിലപാടില് താന് ഉറച്ചു നില്ക്കുന്നതായും കോലി സൂചിപ്പിച്ചു.