Click it and Unblock the Notifications
ടീമുകള്‍ ആശങ്കയില്‍
ലോകകപ്പിലെ ടീമുകളെല്ലാം ഇപ്പോള്‍ ആശങ്കയിലാണ്. എല്ലാ ടീമുകളും ഒരുതവണ പരസ്പരം ഏറ്റുമുട്ടി മികച്ച നാലു ടീമുകള്‍ സെമിയില്‍ എത്തുന്ന രീതിയാണ് ഇത്തവണത്തേത്. കഴിഞ്ഞതവണത്തേതിന് സമാനമായി ഗ്രൂപ്പ് മത്സരങ്ങളായിരുന്നെങ്കില്‍ പല ടീമുകളും അപ്രതീക്ഷിതമായി പുറത്താകുമായിരുന്നു. മഴ തുടരുകയാണെങ്കില്‍ സെമി സാധ്യതയുള്ള ടീമുകള്‍ പുറത്തേക്ക് പോകുമോ എന്ന ആശങ്ക ഇപ്പോഴും നിലനില്‍ക്കുന്നുണ്ട്.
ഇന്ത്യന്‍ പരിശീലകന്‍ ശ്രീധര്‍
മഴയെ നിരീക്ഷിച്ച് ഡ്രസ്സിങ് റൂമിലിരിക്കുന്നത് അത്യധികം നിരാശാജനകമാണെന്നാണ് ഇന്ത്യയുടെ ഫീല്‍ഡിങ് പരിശീലകന്‍ ആര്‍ ശ്രീധര്‍ പറയുന്നത്. കളി നടക്കുമോ ഇല്ലയോ എന്നറിയാത്ത രീതിയിലാണ് കാര്യങ്ങള്‍. കളിയെക്കുറിച്ച് ആലോചിക്കുകയും വേണം എന്നാല്‍ കളി നടക്കുമെന്ന ഉറപ്പില്ലാത്ത അവസ്ഥയും. കളിക്കാര്‍ എല്ലാ സമയത്തും തയ്യാറെടുത്തു നില്‍ക്കേണ്ട അവസ്ഥയാണെന്നും ശ്രീധര്‍ പറഞ്ഞു.
അസംതൃപ്തിയില്‍ ന്യൂസിലന്‍ഡും
ന്യൂസിലന്‍ഡ് പരിശീലകന്‍ ഗ്രേ സ്റ്റീഡും മഴമൂലം കളി നടക്കാതിരുന്നതില്‍ അസുന്തുഷ്ടനാണ്. നല്ലൊരു കളി നടക്കേണ്ടതായിരുന്നെന്ന് അദ്ദേഹം പറഞ്ഞു. എല്ലാ തയ്യാറെടുപ്പോടെയുമാണ് കളിക്കാര്‍ ഇവിടെ വന്നത്. എന്നാല്‍, ഇത്തരം സാഹചര്യങ്ങള്‍ നമ്മളുടെ നിയന്ത്രണത്തിലല്ല. ഇതില്‍ കൂടുതലൊന്നും ചെയ്യാനില്ലെന്നും പരിശീലകന്‍ വ്യക്തമാക്കി.
