Click it and Unblock the Notifications
രണ്ട് മത്സരങ്ങളിലും ഇന്ത്യയ്ക്ക് ടോസ്
രണ്ട് മത്സരങ്ങളിലും ടോസ് നേടിയത് വിരാട് കോലിയാണ്. കോലിയുടെ തീരുമാനം തെറ്റായിരുന്നെന്ന് മത്സരഫലം സൂചിപ്പിക്കുന്നു. നാലാം മത്സരത്തില് കൂറ്റന് സ്കോര് നേടിയിട്ടും ഇന്ത്യയ്ക്ക് പ്രതിരോധിക്കാന് കഴിഞ്ഞില്ല. മഞ്ഞുവീഴ്ചയ്ക്കൊപ്പം ഫീല്ഡര്മാരുടെ അലസതയും ഇന്ത്യയ്ക്ക് വിനായായി. ശിഖര് ധവാന് ഉള്പ്പെടെയുള്ള അവസാന ഘട്ടത്തില് അനായാസ ക്യാച്ചുകള് വിട്ടത് ഇന്ത്യയെ സമ്മര്ദ്ദത്തിലാക്കുകയും ചെയ്തു.
മഞ്ഞുവീഴ്ച കളിയെ ബാധിച്ചു
നാലാം മത്സരത്തില് 38-ാം ഓവര് വരെ കളി നിയന്ത്രിച്ചത് തങ്ങളായിരുന്നെന്ന് ധവാന് വിലയിരുത്തി. എന്നാല്, മഞ്ഞുവീഴ്ച ഓസീസ് ബാറ്റ്സ്മാന്മാര്ക്ക് തുണയായി. പന്ത് ശരിയായ രീതിയില് അവര്ക്ക് കിട്ടിത്തുടങ്ങി. സ്പിന്നര്മാര്ക്ക് പന്തില് പിടുത്തം കിട്ടാന് പ്രയാസമായി. അതേസമയം, ഓസ്ട്രേലിയന് ബാറ്റ്സ്മാന് ആഷ്ടന് ടര്ണര് നന്നായി കളിച്ചെന്നും ധവാന് പറഞ്ഞു.
റെക്കോര്ഡ് സ്കോറുമായി ധവാന്
മത്സരത്തില് ധവാന് 143 റണ്സ് നേടിയിരുന്നു. കരിയറിലെ ഏറ്റവും മികച്ച സ്കോര് നേടിയ മത്സരത്തില് ധവാന് അനായാസ ക്യാച്ച് നിലത്തിടുന്നത് അവിശ്വസനീയമായാണ് ആരാധകര് കണ്ടത്. ഇന്ത്യന് ഫീല്ഡര്മാര് ഒട്ടേറെ റണ്സുകള് വാരിക്കോരി നല്കിയതോടെ 359 എന്ന ലക്ഷ്യത്തിലെത്താന് ഓസീസിനെ സഹായിച്ചു. ബുധനാഴ്ച നടക്കുന്ന അഞ്ചാം മത്സരം ജയിക്കുന്നവര്ക്ക് പരമ്പര സ്വന്തമാകും.
Continue with Google