Click it and Unblock the Notifications
48 മണിക്കൂര്‍ കൊണ്ടു തീര്‍ന്നു
വെറും 48 മണിക്കൂര്‍ കൊണ്ട് ഇന്ത്യ-പാക് മല്‍സരത്തിന്റെ മുഴുവന്‍ ടിക്കറ്റുകളും വിറ്റു കഴിഞ്ഞതായി സംഘാടക സമിതി അറിയിച്ചു.
മാഞ്ചസ്റ്ററിലെ ഓള്‍ഡ് ട്രാഫോര്‍ഡിലാണ് ഈ പോരാട്ടം നടക്കുക. ഇതേ ഗ്രൗണ്ടില്‍ തന്നെയാണ് ഇന്ത്യയും പാകിസ്താനും കൊമ്പുകോര്‍ക്കുക. എന്നാല്‍ ഇന്ത്യ- പാക് മല്‍സരത്തെപ്പോലൊരു വരവേല്‍പ്പ് മറ്റൊരു കളിക്കും ഇല്ലെന്നു ക്രിക്കറ്റ് ലങ്കാഷെയര്‍ മേധാവി ഡാന്‍ വൈറ്റ്‌ഹെഡ്ഡ് അറിയിച്ചു.
അതിനെ കടത്തിവെട്ടും
കഴിഞ്ഞ വര്‍ഷം ഓള്‍ഡ് ട്രാഫോര്‍ഡില്‍ ഇന്ത്യയും ഇംഗ്ലണ്ടും ടി20യില്‍ ഏറ്റുമുട്ടിയിരുന്നു. അന്നു സ്റ്റേഡിയം ആരാധകരാല്‍ ഇളകിമറിഞ്ഞിരുന്നു. സ്റ്റേഡിയം ഇന്ത്യന്‍ നിറത്തില്‍ മുങ്ങിയപ്പോള്‍ ഭാരത് ആര്‍മിയുടെ പിന്തുണയും കളിയുടെ ആവേശം വര്‍ധിപ്പിച്ചിരുന്നു.
അന്നത്തെ മല്‍സരത്തേക്കാള്‍ കാണികളുടെ ആവേശം കൊണ്ട് ഇന്ത്യ-പാകിസ്താന്‍ പോര് ശ്രദ്ധിക്കപ്പെടുമെന്ന കാര്യത്തില്‍ സംശയമില്ലെന്നും വൈറ്റ്‌ഹെഡ്ഡ് വ്യക്തമാക്കി.
ടിക്കറ്റിനു വേണ്ടിയുള്ള വന്‍ ഡിമാന്‍ഡിനെ തുടര്‍ന്നു വ്യത്യസ്തമായ പല പാക്കേജുകളും തങ്ങള്‍ പ്രഖ്യാപിച്ചിരുന്നതായും അദ്ദേഹം പറഞ്ഞു.
വന്‍ ആഘോഷ പരിപാടികള്‍
ഇന്ത്യയും പാകിസ്താനും തമ്മില്‍ ജൂണ്‍ 16നു നടക്കുന്ന ക്ലാസിക്കിന്റെ തലേദിവസം പല ആഘോഷ പരിപാടികളും ഭാരത് ആര്‍മി ആസൂത്രണം ചെയ്തിട്ടുണ്ട്. പ്രശസ്ത പഞ്ചാബി ഗായകനായ ഗുരു രണ്‍ധാവയുടെ കീഴിലുള്ള സംഗീതനിശയാണ് തലേദിവസം നഗരത്തില്‍ നടക്കുന്നത്.
ലോകകപ്പില്‍ ഇതുവരെയുള്ള കണക്കുകള്‍ നോക്കിയാല്‍ പാകിസ്താനെതിരേ ഇന്ത്യക്കു വ്യക്തമായ മേല്‍ക്കൈയുണ്ട്. ഇതുവരെ ലോകകപ്പില്‍ ആറു തവണ മുഖാമുഖം വന്നപ്പോഴും ജയം ഇന്ത്യക്കായിരുന്നു.
