പാകിസ്താനുമായി ഒരു കളിയും വേണ്ട!! ഇന്ത്യ പിന്‍മാറിയാല്‍ ഐസിസി ഒരു ചുക്കും ചെയ്യില്ലെന്ന് ദാദ

By Manu
Pulwama : ഇന്ത്യ- പാക് മല്‍സരം വിലക്കണം | #INDvsPAK | Oneindia Malayalam

കൊല്‍ക്കത്ത: പുല്‍വാമ ഭീകരാക്രമണത്തിനു ശേഷം പാകിസ്താനുമായി ഇനി ഒരു തരത്തിലുള്ള കായിക ബന്ധവും വേണ്ടെന്ന ആവശ്യം ശക്തമാവുകയാണ്. ലോകകപ്പില്‍ പാകിസ്താനെതിരേ നടക്കാനിരിക്കുന്ന മല്‍സരത്തില്‍ നിന്നും ഇന്ത്യ പിന്‍മാറണമെന്ന് മുന്‍ സ്പിന്നര്‍ ഹര്‍ഭജന്‍ സിങ് ആവശ്യപ്പെട്ടിരുന്നു.

വിവാദം ആവേശം കുറച്ചില്ല, ഇന്ത്യ- പാക് ക്ലാസിക്കിന്റെ ടിക്കറ്റിന് അപേക്ഷിച്ചവര്‍ ലക്ഷങ്ങള്‍!!

ഈ കളിയില്‍ നിന്നും പിന്‍മാറിയാലും മറ്റെല്ലാ മല്‍സരങ്ങളും ജയിച്ച് ഇന്ത്യക്കു കിരീടം നേടാനാവുമെന്നും ഭാജി ചൂണ്ടിക്കാട്ടിയിരുന്നു. ഇപ്പോള്‍ ഇന്ത്യയുടെ മുന്‍ ക്യാപ്റ്റനായ സൗരവ് ഗാംഗുലിയും പാകിസ്താനെതിരേ രംഗത്തു വന്നിരിക്കുകയാണ്.

ലോകകപ്പ് മല്‍സരം

ലോകകപ്പ് മല്‍സരം

വരുന്ന ലോകകപ്പില്‍ 10 ടീമുകള്‍ മാത്രമേയുള്ളൂ. ഓരോ ടീമും പരസ്പരം ഓരോ തവണ വീതം ഏറ്റുമുട്ടുകയും ചെയ്യുന്നുണ്ട്. അതുകൊണ്ടു തന്നെ ഇവയില്‍ ഒരു മല്‍സരം കളിച്ചില്ലെങ്കില്‍ അതുകൊണ്ട് ഒന്നു സംഭവിക്കാന്‍ പോവുന്നില്ലെന്ന് ഗാംഗുലി ചൂണ്ടിക്കാട്ടി.

ഇന്ത്യയില്ലാതെ ലോകകപ്പുമായി മുന്നോട്ടുപോവാന്‍ ഐസിസിക്കു കഴിയില്ല. പാകിസ്താനെതിരേ പിന്‍മാറിയാല്‍ ഇന്ത്യയെ വിലക്കാനും അവര്‍ക്കാവില്ല. ഐസിയിയെ അതില്‍ നിന്നും തടയാനുള്ള ശേഷി ഇന്ത്യക്കുണ്ട്. എങ്കിലും ശക്തമായ സന്ദേശം തന്നെ ഇന്ത്യ പാകിസ്താന് നല്‍കണമെന്നാണ് തന്റെ വ്യക്തിപരമായ അഭിപ്രായമെന്ന് ഗാംഗുലി പറഞ്ഞു.

ഒരു മല്‍സരവും കളിക്കരുത്

ഒരു മല്‍സരവും കളിക്കരുത്

ക്രിക്കറ്റില്‍ മാത്രം ഒതുങ്ങിപ്പോവരുത് പാകിസ്താനെതിരേയുള്ള ഇന്ത്യയുടെ പ്രതിഷേധമെന്ന് ദാദ പറഞ്ഞു. പാകിസ്താനുമായുള്ള എല്ലാ കായിക ബന്ധങ്ങളും ഇന്ത്യ വിച്ഛേദിക്കണം. രാജ്യത്തെ ജനങ്ങളില്‍ നിന്നുണ്ടാവുന്ന പ്രതികരണങ്ങള്‍ തന്നെയാണ് ശരി. ഇനിയൊരിക്കലും ഇന്ത്യയും പാകിസ്താനും തമ്മില്‍ ഒരു പരമ്പര കളിക്കാന്‍ പാടില്ല. മാത്രമല്ല പാകിസ്താനെതിരേ ഹോക്കി, ഫുട്‌ബോള്‍ എന്നിവയടക്കം ഒരു മല്‍സരവും ഇന്ത്യ ഇനി കളിക്കരുതെന്നും ഗാംഗുലി ആവശ്യപ്പെട്ടു.

ഇന്ത്യ- പാക് മല്‍സരം വിലക്കണം

ഇന്ത്യ- പാക് മല്‍സരം വിലക്കണം

പുല്‍വാമ ആക്രമണത്തിന്റെ പശ്ചാതത്തില്‍ ഇന്ത്യയും പാകിസ്താനും തമ്മിലുള്ള ലോകകപ്പ് മല്‍സരം റദ്ദാക്കണമെന്ന് ഹോക്കി മുന്‍ സൂപ്പര്‍ താരം സര്‍ദാര്‍ സിങ് ആവശ്യപ്പെട്ടു. പാക് കായിക താരങ്ങളുടെ ഭാഗത്തു നിന്നും വളരെ മോശം പെരുമാറ്റമാണ് ഉണ്ടാവാറുള്ളത്. 2014ല്‍ പാകിസ്താനെതിരേ ജയം നേടിയപ്പോള്‍ ഇന്ത്യന്‍ ടീം വലിയ ആഘോഷ പ്രകടനങ്ങള്‍ നടത്തിയിരുന്നില്ല. അന്ന് ഇരുടീമുകളും ഒരേ ഹോട്ടലിലാണ് കഴിഞ്ഞിരുന്നത്. അവര്‍ക്കു ഫീല്‍ ചെയ്യേണ്ടെന്നു കരുതിയാണ് ഇന്ത്യ ആഘോഷം കുറച്ചത്. എന്നാല്‍ പാക് ടീം തങ്ങളെപ്പോലെയല്ല. പരമ്പരയിലെ ഒരു മല്‍സരം ജയിച്ചാല്‍പ്പോലും വളരെ മോശം രീതിയിലാണ് പാക് ടീം ആഘോഷിച്ചിരുന്നതെന്ന് സര്‍ദാര്‍ വ്യക്തമാക്കി.

For Quick Alerts
ALLOW NOTIFICATIONS
For Daily Alerts

Story first published: Thursday, February 21, 2019, 12:03 [IST]
Other articles published on Feb 21, 2019

myKhel ലില്‍ നിന്നും ഏറ്റവും പുതിയ വാര്‍ത്തകള്‍ അറിയാന്‍

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more