ലണ്ടന്: പാക്കിസ്ഥാന് ക്രിക്കറ്റ് താരം ആസിഫ് അലിയുടെ മകള് രണ്ടുവയസുകാരിയായ നൂര് ഫാത്തിമ മരിച്ചു. കാന്സര് രോഗത്തോടു പൊരുതിക്കൊണ്ടിരിക്കുകയായിരുന്ന കുട്ടി അമേരിക്കയില് ചികിത്സയിലായിരുന്നു. അലി ഇംഗ്ലണ്ടിനെതിരായ ഏകദിന പരമ്പരയിലെ അഞ്ചാം മത്സരം കളിച്ചുകഴിഞ്ഞയുടനെയാണ് മരണവിവരം പുറത്തുവരുന്നത്.
പാക്കസ്ഥാന് സൂപ്പര് ലീഗില് അലി കളിച്ചുകൊണ്ടിരിക്കുന്ന ഇസ്ലാമാബാദ് യുണൈറ്റഡ് അലിയുടെ മകളുടെ വിയോഗവാര്ത്ത ട്വീറ്റ് ചെയ്തിട്ടുണ്ട്. അലി ഇംഗ്ലണ്ടിലേക്ക് തിരിക്കുന്നതിന് തൊട്ടുമുന്പാണ് മകളുടെ രോഗവിവരം അറിയുന്നത്. ഉടന് കുട്ടിയെ അമേരിക്കയില് ചികിത്സയ്ക്കായി എത്തിച്ചശേഷം താരം ടീമിനൊപ്പം കളിക്കാനായി എത്തുകയായിരുന്നു. മകളുടെ രോഗവിവരം അലി തന്നെ പിന്നീട് സോഷ്യല് മീഡിയയിലൂടെ പുറത്തുവിടുകയും ചെയ്തു.
ഇറ്റാലിയന് ഓപ്പണ്; ഫൈനലില് ദ്യോക്കോവിച്ചിനെ വീഴ്ത്തി നദാല് ചാമ്പ്യന്
പാക്കിസ്ഥാന്റെ ലോകകപ്പിനായുള്ള പ്രാഥമിക ടീമില് ഉള്പ്പെട്ട കളിക്കാരനാണ് ആസിഫ് അലി. താരം ഉടന് അമേരിക്കയിലേക്ക് തിരിക്കും. ലോകകപ്പില് അലി കളിക്കുമോ എന്ന കാര്യത്തില് വ്യക്തതയില്ല. മെയ് 23നാണ് പാക്കിസ്ഥാന് അന്തിമ ടീമിനെ പ്രഖ്യാപിക്കുക. അഞ്ചാം ഏകദിനത്തില് താരം 22 റണ്സെടുത്തിരുന്നു.
My daughter is fighting the stage IV cancer and we are taking her to US for her treatment. A big shout out to @usembislamabad and @USCGLahore for issuing the visa to us within an hour. Special thanks to Mike, Elizabeth, Tanveer & @TalhaAisham Bhai. Keep my princess in your Duas!
— Asif Ali (@AasifAli2018) April 22, 2019