Click it and Unblock the Notifications
പാകിസ്താനെ സഹായിക്കാം
ഫിറ്റ്നസ് നിലവാരം മെച്ചപ്പെടുത്താന് പാകിസ്താന് ടീമിനെ താന് സഹായിക്കാമെന്ന് ആമിര് ട്വിറ്ററിലൂടെ അറിയിച്ചു. എങ്ങനെ ഫിറ്റായും കരുത്തോടെയും നില്ക്കാമെന്നതിനെക്കുറിച്ച് പാക് ടീമിന് ഉപദേശം നല്കാന് തയ്യാറാണ്.
ഭക്ഷണത്തിലും പരിശീലനത്തിലുമെല്ലാം എങ്ങനെ അച്ചടക്കം കൊണ്ടുവരാമെന്നതിനെക്കുറിച്ചും വിശദമാക്കാം. ഈ പാക് ടീമിന് കഴിവുണ്ട്. പക്ഷെ ശാരീരികമായി കൂടുതല് കരുത്തും ഫിറ്റ്നസും വളര്ത്തിക്കൊണ്ടു വരേണ്ടതുണ്ടെന്നും ആമിര് ട്വീറ്റ് ചെയ്തു.
പാക് തോല്വിക്കു കണക്കുചോദിക്കും
ലോകകപ്പില് ഇന്ത്യയോടേറ്റ തോല്വിക്കു പാകിസ്താന് ടീമിനു താന് കണക്കു ചോദിക്കുമെന്ന് ബ്രിട്ടനു വേണ്ടി ഒളിംപിക്സില് വെള്ളി മെഡയല് കൊയ്ത ആമിര് മുന്നറിയിപ്പ് നല്കി. ജൂലൈ 12ന് ഇന്ത്യന് പ്രൊഫണല് ബോക്സര് നീരജ് ഗോയത്തുമായി സൗദി അറേബ്യയില് വച്ച് ആമിര് ഏറ്റുമുട്ടുന്നുണ്ട്. ഈ മല്സരത്തില് നീരജിനെ ഇടിച്ചിട്ട് താന് പാക് തോല്വിക്കു പ്രതികാരം ചെയ്യുമെന്ന് ആമിര് പറഞ്ഞു.
എന്നാല് ആമിറിന്റെ ഭീഷണിക്ക് നീരജ് മറുപടിയും നല്കിക്കഴിഞ്ഞു. സ്വപ്നം കണ്ടിരുന്നോ ആമിര്, ഇന്ത്യയുടെ മറ്റൊരു വിജയമാവും നിങ്ങള് കാണുകയെന്ന് നീരജ് തിരിച്ചടിച്ചു.
ഇന്ത്യയുടെ ഏഴാം വിജയം
ലോകകപ്പില് ബദ്ധവൈരികളായ പാകിസ്താനെതിരേ ഇന്ത്യയുടെ തുടര്ച്ചയായ ഏഴാമത്തെ വിജയമായിരുന്നു ഇത്തവണത്തേത്. ഇതിനു മുമ്പ് തുടര്ച്ചയായി ആറു മല്സരങ്ങളില് ഏറ്റുമുട്ടിയപ്പോഴും ഇന്ത്യയെ അടിയറവ് പറയിക്കാന് പാക് ടീമിനായിരുന്നില്ല.
ഇന്ത്യയോടേറ്റ തോല്വി പാക് ടീമിന്റെ സെമി ഫൈനല് സാധ്യതകള് തുലാസിലാക്കിയിട്ടുണ്ട്. അഞ്ചു മല്സരങ്ങള് കളിച്ച പാകിസ്താന് മൂന്നിലും തോറ്റപ്പോള് ഒന്ന് മഴ മൂലം ഉപേക്ഷിക്കപ്പെട്ടു. ഇംഗ്ലണ്ടിനെതിരായ ഏക ജയം മാത്രമേ പാക് അക്കൗണ്ടിലുള്ളൂ.
Continue with Google