Click it and Unblock the Notifications
റായുഡുവിന്റെ ട്രോള്
ത്രീ ഡയമന്ഷണല് കഴിവ് പരിഗണിച്ചാണ് റായുഡുവിനു പകരം ശങ്കറിനെ ലോകകപ്പ് ടീമിലുള്പ്പെടുത്തിയത് എന്നായിരുന്നു മുഖ്യ സെലക്ടര് എംഎസ്കെ പ്രസാദ് ടീം പ്രഖ്യാപനത്തിനു ശേഷം വിശദീകരിച്ചത്. ഇതിനെ കളിയാക്കിയാണ് റായുഡു ട്വിറ്ററില് പോസ്റ്റിട്ടത്. ലോകകപ്പ് ആസ്വദിക്കാന് ത്രീഡി കണ്ണടകള് ഇപ്പോള് ഓര്ഡര് ചെയ്തിട്ടേയുള്ളൂവെന്നായിരുന്നു റായുഡുവിന്റെ ട്വീറ്റ്.
വികാരം മനസ്സിലാക്കുന്നു
ബിസിസിഐയുടെ ഒരു മുതിര്ന്ന ഒഫീഷ്യലാണ് റായുഡുവിന്റെ ട്വീറ്റിനെക്കുറിച്ചു പ്രതികരിച്ചത്. റായുഡുവിന്റെ ട്വീറ്റ് ശ്രദ്ധയില് പെട്ടിരുന്നു. അദ്ദേഹത്തിന്റെ വികാരം മനസ്സിലാക്കുന്നു. ഇപ്പോഴത്തെ നിരാശയും വിഷമവും മറക്കാന് റായുഡുവിന് കുറച്ചു സമയം വേണ്ടി വരും.
ലോകകപ്പ് ടീമിലെ സ്റ്റാന്റ് ബൈകളില് ഒരാളാണ് ഇപ്പോള് അദ്ദേഹം. ആര്ക്കെങ്കിലും പരിക്കേറ്റാല് റായുഡു ലോകകപ്പില് കളിക്കാന് സാധ്യത കൂടുതലാണെന്നും ഒഫീഷ്യല് വിശദമാക്കി.
ഐപിഎല്ലിലെ പ്രകടനം
ഐപിഎല്ലില് നിലവിലെ ചാംപ്യന്മാരായ ചെന്നൈ സൂപ്പര്കിങ്സിനായി കളിക്കുകയാണ് റായുഡു. കഴിഞ്ഞ സീസണില് തകര്പ്പന് പ്രകടനം നടത്തിയ റായുഡുവിന് ഇത്തവണ പ്രതീക്ഷിച്ച കളി പുറത്തെടുക്കാന് കഴിഞ്ഞിട്ടില്ല. ഒമ്പതു മല്സരങ്ങളില് നിന്നും 23.39 ശരാശരിയില് 163 റണ്സ് മാത്രമാണ് താരം നേടിയത്.
ലോകകപ്പിനുള്ള ടീമില് സ്റ്റാന്റ് ബൈ ആയി ഉള്പ്പെടുത്തിയതിനാല് ഐപിഎല്ലിലെ ശേഷിക്കുന്ന മല്സരങ്ങളില് ഫോമിലേക്കു തിരിച്ചെത്താനുള്ള തയ്യാറെടുപ്പിലാണ് റായുഡു.
Continue with Google