Click it and Unblock the Notifications
ധവാന് പകരം വിജയ് ശങ്കര്
നേരത്തെ നിര്ണായക മത്സരത്തില് പാക്കിസ്ഥാനെതിരെ ധവാന് പകരം ഇറങ്ങിയത് വിജയ് ശങ്കര് ആയിരുന്നു. ഓപ്പണറായി കെ എല് രാഹുലിന് സ്ഥാനക്കയറ്റം കിട്ടിയപ്പോള് രാഹുലിന്റെ നാലാം നമ്പറില് വിജയ് ഇറങ്ങി. ആദ്യ മത്സരത്തില് ബാറ്റുകൊണ്ട് കാര്യമായ പ്രകടനം നടത്താന് കഴിയാതിരുന്ന താരം രണ്ടു വിക്കറ്റ് വീഴ്ത്തി ശ്രദ്ധിക്കപ്പെട്ടിരുന്നു. എന്നാല്, വിജയ് അഫ്ഗാനെതിരായ മത്സരത്തില് വിശ്രമിക്കാനാണ് സാധ്യത.
വിജയ് ശങ്കറിന് പരിക്ക്
പരിശീലനത്തിനിടെ ബുംറയുടെ യോര്ക്കര് കൊണ്ട് പരിക്കേറ്റ വിജയ് വിശ്രമത്തിലാണെന്നാണ് റിപ്പോര്ട്ട്. പരിക്ക് സാരമുള്ളതല്ലെന്നും വിജയ് അടുത്തദിവസം പരിശീലനം തുടരുമെന്നുമാണ് ടീം മാനേജ്മെന്റ് അറിയിക്കുന്നത്. അതേസമയം, ദുര്ബലരായ എതിരാളികളായതുകൊണ്ടുതന്നെ അഫ്ഗാനെതിരെ പന്തിനെ പരീക്ഷിക്കാന് തന്നെയാണ് ടീം മാനേജ്മെന്റിന്റെ തീരുമാനം.
ഭുവനേശ്വറിന് പകരം മുഹമ്മദ് ഷമി
പരിക്കേറ്റ ബൗളര് ഭുവനേശ്വര് കുമാര് രണ്ടു മത്സരങ്ങളില് പുറത്തിരിക്കുമ്പോള് മുഹമ്മദ് ഷമി ആയിരിക്കും പകരക്കാരനാവുക. കളിക്കാരുടെ പരിക്ക് വലയ്ക്കുമ്പോഴും പകരക്കാര്ക്ക് തിളങ്ങാനാകുന്നത് ഇന്ത്യന് ടീമിന് ആശ്വാസകരമാണ്. ഇംഗ്ലണ്ടിനെതിരെയാണ് ഇന്ത്യയ്ക്ക് ഇനി ഏറ്റവും കടുപ്പമേറിയ മത്സരം. ജൂണ് 30ന് നടക്കാനിരിക്കുന്ന ഈ മത്സരം ആകുമ്പോഴേക്കും ഭുവനേശ്വര് മടങ്ങിയെത്തുമെന്നാണ് പ്രതീക്ഷ.
Continue with Google