Click it and Unblock the Notifications
സൈനികര്‍ക്ക് ആദരം
ഐസിസി നിലപാട് കടുപ്പിച്ചതോടെ കാണികള്‍ ഇക്കാര്യം ഏറ്റെടുക്കുകയായിരുന്നു. പുല്‍വാമ ഭീകരാക്രമണം ഒരിക്കല്‍ക്കൂടി ലോക ശ്രദ്ധയിലെത്തിക്കാനും ഇപ്പോഴത്തെ വിവാദത്തിന് കഴിഞ്ഞിട്ടുണ്ട്. ഐസിസി നിര്‍ദ്ദേശം വന്നതോടെ ഓസ്‌ട്രേലിയയ്‌ക്കെതിരായ മത്സരത്തില്‍ ധോണി ബാഡ്ജ് പ്രദര്‍ശിപ്പിക്കുകയില്ല. അതേസമയം, മുന്‍ ഇന്ത്യന്‍ താരങ്ങളും സര്‍ക്കാരും ഇക്കാര്യത്തില്‍ ധോണിക്ക് പിന്തുണ പ്രഖ്യാപിച്ചിരുന്നു.
ബാറ്റില്‍ പ്രദര്‍ശിപ്പിക്കാമെന്ന് സെവാഗ്
ധോണി ഗ്ലൗസില്‍ അല്ലെങ്കില്‍ ബാറ്റില്‍ മുദ്ര പ്രദര്‍ശിപ്പിക്കണമെന്നാണ് മുന്‍ ഇന്ത്യന്‍താരം വിരേന്ദര്‍ സെവാഗിന്റെ നിര്‍ദ്ദേശം. ഐസിസിയുടെ ക്രിക്കറ്റ് ഗവേണിങ് ബോഡിയുടെ അനുമതി വാങ്ങി ധോണി മുദ്ര ബാറ്റില്‍ പ്രദര്‍ശിപ്പിക്കണമെന്ന് സെവാഗ് പുറത്തുവിട്ട വീഡിയോയില്‍ പറയുന്നു. താന്‍ രണ്ട് മുദ്രകള്‍ ബാറ്റില്‍ പ്രദര്‍ശിപ്പിച്ചിരുന്നതായി സെവാഗ് ചൂണ്ടിക്കാട്ടി. ഇതിനായി താന്‍ ഐസിസിയുടെ അനുമതി വാങ്ങിയിരുന്നെന്നും താരം പറഞ്ഞു.
ഐസിസിയുടെ നിര്‍ദ്ദേശം
ഐസിസിയുടെ നിയമമനുസരിച്ച് ക്രിക്കറ്റ് താരങ്ങള്‍ ഏതെങ്കിലും രാഷ്ട്രീയ പാര്‍ട്ടികളുടെയോ, മതങ്ങളുടെയോ, വംശീയതയുമായി ബന്ധപ്പെട്ടതോ ആയിച്ചുള്ള സന്ദേശങ്ങള്‍ വസ്ത്രങ്ങളിലോ മറ്റുപകരണങ്ങളിലോ പ്രദര്‍ശിപ്പിക്കാന്‍ പാടില്ല. ഇന്ത്യയ്ക്ക് ഇക്കാര്യത്തില്‍ അനുവാദം നല്‍കിയാല്‍ മറ്റു രാജ്യങ്ങളും അനുകരിച്ചേക്കുമെന്നാണ് ഐസിസിയുടെ വാദം.
