ദില്ലി: ഗുസ്തിയില് ലോക ചാമ്പ്യന്മാരാകാന് ശേഷിയുള്ള ഒരുപിടി മികച്ച താരങ്ങള് ഇന്ത്യയ്ക്കുണ്ടെന്ന് തെളിയിക്കുന്ന വര്ഷമാണ് കടന്നുപോകുന്നത്. 2018 ഇന്ത്യന് ഗുസ്തിയെ സംബന്ധിച്ചിടത്തോളം നേട്ടങ്ങളുടെ വര്ഷമാണ്. ബജ്രംഗ് പൂണിയയും വിനേഷ് ഫോഗട്ടും ഉള്പ്പെടെയുള്ള താരങ്ങള് മാറ്റു തെളിയിച്ച് ഒട്ടേറെ ഗെയിംസുകളില് ഈ വര്ഷം മെഡല് നേടുകയുണ്ടായി.
പറ്റുമെങ്കില് സിക്സറടിക്കൂ, മുംബൈ ഇന്ത്യന്സിന് പെയ്നിന്റെ വെല്ലുവിളി; സ്ലഡ്ജിങ് വീണ്ടും
ജക്കാര്ത്ത ഏഷ്യന് ഗെയിംസില് സ്വര്ണം നേടിയ വിനേഷും പൂണിയയും 2020ലെ ഒളിമ്പിക്സ് മെഡല് പ്രതീക്ഷകളാണ്. ബുഡാപെസ്റ്റില് നടന്ന ലോക ചാമ്പ്യന്ഷിപ്പില് അത്യുഗ്രന് പ്രകടനം നടത്തിയ പൂണിയ ഫൈനലില് തോറ്റെങ്കിലും വെള്ളിമെഡലുമായാണ് മടങ്ങിയത്. കോമണ്വെല്ത്ത്, തിബ്ലിസ് ഗ്രാന്ഡ് പ്രിക്സ്, യസര് ഡോഗു ഇന്റര് നാഷണല്, ഏഷ്യന് ഗെയിംസ് എന്നിവയിലെല്ലാം പൂണിയ സ്വര്ണം നേടി.
സുശീല് കുമാര് കോമണ്വെല്ത്ത് ഗെയിംസില് സ്വര്ണം നേടിയെങ്കിലും ഏഷ്യന് ഗെയിംസില് ആദ്യ റൗണ്ടില് പുറത്തായി. സാക്ഷി മാലിക്കിന് കാര്യമായ പ്രകടനങ്ങളൊന്നും നടത്താനായില്ല. ഗുസ്തി താരങ്ങളെ പ്രൊഫഷണല് നിലവാരത്തിലേക്ക് ഉയര്ത്തുന്നതിന്റെ ഭാഗമായി ഇന്ത്യന് ഗുസ്തി ഫെഡറേഷന് ഈ വര്ഷം മുതല് ഗ്രേഡിങും ഏര്പ്പെടുത്തിയിട്ടുണ്ട്. ടോക്കിയോ ഒളിമ്പിക്സിനായുള്ള യോഗ്യത നേടുകയായിരിക്കും ഇന്ത്യന് ഗുസ്തി താരങ്ങളുടെ 2019ലെ പ്രഥമ പരിഗണന.