പഠിച്ചത് ഒരേ സ്കൂളില്
അനുഷ്കയും സാക്ഷിയും ഒരേ സ്കൂളില് ഒരുമിച്ച് പഠിച്ചവരാണെന്നതാണ് കൗതുകമുണര്ത്തുന്ന കാര്യം. അസ്സമിലെ മാര്ഗെരീറ്റയിലുള്ള സെന്റ് മേരീസ് സ്കൂളിലെ കളിക്കൂട്ടുകാരായിരുന്നു ഇരുവരും. ഒരിക്കല് സാക്ഷിയുമായി അടുത്ത് സംസാരിച്ചപ്പോഴാണ് ഇക്കാര്യം തനിക്കു മനസ്സിലായതെന്ന് അനുഷ്ക പറയുന്നു.
സ്കൂള് വിദ്യാഭ്യാസത്തെക്കുറിച്ചും മറ്റും മനസ്സ് തുറന്നു സംസാരിച്ചതോടെയാണ് തങ്ങള് ഒരേ സ്കൂളില് ഒരേ കാലത്തു പഠിച്ചവരായിരുന്നുവെന്ന് തിരിച്ചറിഞ്ഞതെന്നും കുട്ടിക്കാലത്ത് വളരെ തമാശക്കാരിയായിരുന്നു സാക്ഷിയെന്നും അനുഷ്ക വ്യക്തമാക്കി.
|
വൈറലായി ചിത്രങ്ങള്
ഇപ്പോള് അനുഷ്കയും സാക്ഷിയും ഒരേ സ്കൂളില് തന്നെയാണ് പഠിച്ചിരുന്നതെന്ന് തെളിയിക്കുന്ന ചിത്രങ്ങളും പുറത്തുവന്നിട്ടുണ്ട്. സ്കൂളിലെ ഒരു ഫാന്സി ഡ്രസ് മല്സരത്തില് അനുഷ്കയും സാക്ഷിയും വ്യത്യസ്ത കോസ്റ്റിയൂമുകളില് നില്ക്കുന്ന ഫോട്ടോയും ഒന്നാം ക്ലാസിലെ ഗ്രൂപ്പ് ഫോട്ടോയുമാണ് സമൂഹമാധ്യമങ്ങളിലൂടെ വൈറലായി കൊണ്ടിരിക്കുന്നത്.
പിങ്ക് നിറത്തിലുള്ള കുഞ്ഞുസാരിയുടുത്താണ് അനുഷ്കയുടെ നില്പ്പെങ്കില് ഒരു മാലാങ്കയുടെ വേഷത്തിലാണ് സാക്ഷി.
ബോളിവുഡിലെ മുന്നിര നായിക
ബോളിവുഡിലെ മുന്നിര നായികയാണ് ഇപ്പോള് അനുഷ്ക. നിരവധി ഹിറ്റ് ചിത്രങ്ങളുടെ ഭാഗമാവാന് അവര്ക്കായിട്ടുണ്ട്. സിനിമയില് തന്റെ ആദ്യ ഹീറോയായ ഷാരൂഖ് ഖാനോടൊപ്പം അഭിനന്ദിച്ച സീറോയിലാണ് അനുഷ്കയെ അവസാനമായി കണ്ടത്. വലിയ പ്രതീക്ഷകളുമായി വന്ന ഈ സിനിമ ബോക്സ്ഓഫീസില് പരാജയപ്പെടുകയും ചെയ്തു.
നിലവില് കോലിക്കൊപ്പം അവധിക്കാലം ആഘോഷിക്കുകയാണ് അനുഷ്ക. ന്യൂസിലാന്ഡ് പര്യടനത്തിലെ ശേഷിക്കുന്ന മല്സരങ്ങളില് വിശ്രമം ലഭിച്ചതിനു പിന്നാലെ കോലിയും അനുഷ്കയും അവിടെ നിന്നും വിമാനം കയറിയിരുന്നു.