മറ്റു ഐപിഎല്‍ ടീമുകളുടെ വിവരങ്ങള്‍ വെളിപ്പെടുത്തണം

കൊച്ചി: കേരള ഐപിഎല്‍ ടീമിന്റെ ഓഹരി വിവരങ്ങള്‍ ഐപിഎല്‍ കമ്മീഷണര്‍ ലളിത് മോഡി പരസ്യപ്പെടുത്തിയ സാഹചര്യത്തില്‍ മറ്റു ടീമുകളുടെ ഓഹരിവിശദാംശങ്ങളും പുറത്തുവിടണമെന്ന് റോണ്‍ഡിവൂ കണ്‍സോര്‍ഷ്യം ഉടമകളിലൊരാളായ വിവേക് വേണുഗോപാല്‍.

ഓഹരി ഘടന വ്യക്തമാക്കിയില്ലെങ്കില്‍ നിയമനടപടി സ്വീകരിയ്ക്കും. സംഭവവുമായി ബന്ധപ്പെട്ട് കൂടുതല്‍ പരസ്യ പ്രസ്താവനകള്‍ നടത്താന്‍ ആഗ്രഹിയ്ക്കുന്നില്ല.

തങ്ങളുടെ നിലപാട് ബിസിസിഐ യെ അറിയിച്ചിട്ടുണ്ടെന്നും യുക്തമായ തീരുമാനമുണ്ടാകുമെന്നാണ് പ്രതീക്ഷയെന്നും വിവേക് വ്യക്തമാക്കി.