ഇന്ത്യ-ഇംഗ്ലണ്ട് പരമ്പരയില്‍ സൂപ്പര്‍സബ് ഇല്ല

മുംബൈ: ഇന്ത്യ-ഇംഗ്ലണ്ട് ഏകദിന പരമ്പരയില്‍ സൂപ്പര്‍ സബ് നിയമം വേണ്ടെന്നുവയ്ക്കാന്‍ ഐസിസി തീരുമാനിച്ചു. ബിസിസിഐയും ഇംഗ്ലണ്ട് ക്രിക്കറ്റ് ബോര്‍ഡും ഇക്കാര്യം അംഗീകരിച്ചിട്ടുണ്ടൈന്ന് ഐസിസി അറിയിച്ചു.

അതേ സമയം പവര്‍ പ്ലേ നിയമം തുടരും. സൂപ്പര്‍സബ് നിയമത്തിനെതിരെ ശക്തമായ വിമര്‍ശനമുയര്‍ന്ന സാഹചര്യത്തില്‍ ഇന്ത്യ-ഇംഗ്ലണ്ട് ഏകദിന പരമ്പരയില്‍ സൂപ്പര്‍ സബ് നിയമം ഒഴിവാക്കാന്‍ ബിസിസിഐയും ഇംഗ്ലണ്ട് ക്രിക്കറ്റ് ബോര്‍ഡും നേരത്തെ തീരുമാനിച്ചിരുന്നു.

ഈയിടെ നടന്ന ആസ്ത്രേല്യ-ദക്ഷിണാഫ്രിക്ക ഏകദിന പരമ്പരയിലും സൂപ്പര്‍സബ് നിയമം ഒഴിവാക്കിയിരുന്നു.

മാര്‍ച്ച് 28ന് ദില്ലിയിലാണ് ഇന്ത്യ-ഇംഗ്ലണ്ട് ഏകദിന പരമ്പര ആരംഭിക്കുന്നത്.