ഇന്ത്യന് സമയം രാത്രി ഒന്പതരയ്ക്കാണ് മത്സരം തുടങ്ങുക. ലണ്ടനില് അപ്പോള് വൈകീട്ട് അഞ്ച് മണിയായിരിക്കും. ദ മാളില് നിന്നും ആരംഭിച്ച് കോണ്സ്റ്റിറ്റിയൂഷന് വരെ 2 കിലോ മീറ്റര് ദൂരം പത്ത് തവണ ചുറ്റി നടന്നായിരിക്കും മത്സരം.
നിരന്തരമായി നടത്തിയ പരിശീലനത്തിന്റെ ആത്മവിശ്വാസവുമായാണ് കെടി ഇര്ഫാന് മത്സരിക്കാനിറങ്ങുന്നത്. എ ഗ്രേഡോടെയാണ് ഇര്ഫാന് ഒലിംപിക്സിലേക്ക് യോഗ്യത നേടിയത്.
ലണ്ടനിലെ കടുത്ത കാറ്റും ഇടയ്ക്കിടക്കുള്ള മഴയും നടത്ത മത്സരത്തെ പ്രതികൂലമായി ബാധിക്കും എന്നു പൊതുവെ എല്ലാ മത്സരാര്ത്ഥികള്ക്കും പേടിയുണ്ട്. എന്നാല് ലണ്ടനിലെത്തിയതു മുതല് ദിവസം രണ്ടു തവണ വീതം നടത്തിയ പരിശീലനം ഈ കാറ്റിനെ പ്രതിരോധിക്കാന് തന്നെ പ്രാപ്തനാക്കിയിട്ടുണ്ട് എന്ന ആത്മവിശ്വാസത്തിലാണ് ഇര്ഫാന് ശനിയാഴ്ച നടക്കാനിറങ്ങുന്നത്.