റോജേഴ്‌സ് കപ്പ്: കിം ക്ലിസ്റ്റേഴ്‌സ് പിന്‍വാങ്ങി

ടൊറന്റോ: ലോകരണ്ടാം നമ്പര്‍ താരം കിം ക്ലിസ്റ്റേഴ്‌സ് റോജേഴ്‌സ് കപ്പ് ടെന്നിസ് ടൂര്‍ണമെന്റില്‍ നിന്നു പിന്‍വാങ്ങി. ഇടതുവയറിലെ പേശികള്‍ക്കനുഭവപ്പെട്ട വേദനയാണ് കാരണം. ഇതോടെ ക്ലിസ്‌റ്റേഴ്‌സ് യു.എസ് ഓപണ്‍ പോരാട്ടങ്ങളും ആശങ്കയിലായിരിക്കുകയാണ്.

മല്‍സരത്തിനു തൊട്ടുമുമ്പാണ് പേശികളിലെ വേദന അനുഭവപ്പെടാന്‍ തുടങ്ങിയത്. ചൈനീസ് താരം സെങ് ജീക്കെതിരേയുള്ള മല്‍സരം 6-3, 1-2 എന്ന സ്‌കോറില്‍ നില്‍ക്കുമ്പോള്‍ പിന്‍വാങ്ങുകയാണെന്ന് ക്ലിസ്റ്റേഴ്‌സ് അറിയിച്ചു.

2005ലും 2009ലും 2010ലും യു.എസ് ഓപണ്‍ നേടിയിട്ടുള്ള ക്ലിസ്റ്റേഴ്‌സ് എന്തുവിലകൊടുത്തും ഗ്രാന്‍സ്ലാം പോരാട്ടത്തിനായി ഫിറ്റ്‌നസ് വീണ്ടെടുക്കാനുള്ള ശ്രമത്തിലാണ്. കുറച്ചാഴ്ചകള്‍ കൂടി മുന്നിലുണ്ട്. മല്‍സരത്തിനുള്ള തയ്യാറെടുപ്പുകളുമായി മുന്നോട്ടുപോവും-ക്ലിസ്‌റ്റേഴ്‌സ് അറിയിച്ചു.