ഇന്ത്യക്ക് രണ്ട് സ്വര്‍ണം കൂടി

മെല്‍ബണ്‍: കോമണ്‍വെല്‍ത്ത് ഗെയിംസില്‍ ഇന്ത്യക്ക് രണ്ട് സ്വര്‍ണം കൂടി. ഭാരദ്വോഹന വിഭാഗത്തിലും ഷൂട്ടിംഗിലുമാണ് ഇന്ത്യ സ്വര്‍ണവേട്ട നടത്തിയത്.

ഷൂട്ടിംഗില്‍ 10 മീറ്റര്‍ എയര്‍ പിസ്റള്‍ വിഭാഗത്തില്‍ ഇന്ത്യയുടെ സംരേഷ് ജുംഗ്- വിവേക്സിംഗ് സഖ്യമാണ് സ്വര്‍ണം നേടിയത്. വനിതകളുടെ 58 കിലോഗ്രാം ഭാരദ്വോഹനത്തില്‍ വൈ.രേണു ബാലു ചാനുവും ഇന്ത്യക്കു വേണ്ടി സ്വര്‍ണം നേടി.

ഭാരദ്വോഹന വിഭാഗത്തില്‍ ഇന്ത്യ നേടുന്ന രണ്ടാമത്തെ സ്വര്‍ണമാണിത്. കുഞ്ചുറാണി ദേവിയാണ് ഇന്ത്യയുടെ ആദ്യ സ്വര്‍ണം നേടിയത്.