ചെല്‍സി, മാഡ്രിഡ് സെമിയില്‍

ലണ്ടന്‍: റയല്‍ മാഡ്രിഡും ചെല്‍സിയും ചാംപ്യന്‍സ് ലീഗ് സെമിഫൈനലില്‍ പ്രവേശിച്ചു. ക്വാര്‍ട്ടര്‍ ഫൈനലിലെ രണ്ടാം പാദ മത്സരത്തില്‍ മാഡ്രിഡ് അപ്പോള്‍ നികോസിയെ 5-2നും ചെല്‍സി ബെന്‍ഫികയെ 2-1നും തോല്‍പ്പിച്ചു. ഇരുപാദങ്ങളിലുമായി മാഡ്രിഡ് 8-2ന്റെ ആധികാരിക വിജയം സ്വന്തമാക്കിയപ്പോള്‍ ചെല്‍സി 3-1നാണ് ബെന്‍ഫിക്കയെ മുട്ടുകുത്തിച്ചത്.

മ്യൂണിക്കിലെ അലയന്‍സ് അരീനയില്‍ ഏപ്രില്‍ 17ന് നടക്കുന്ന നടക്കുന്ന ആദ്യ സെമിയില്‍ ബയേണ്‍ മ്യൂണിക്ക് റയല്‍ മാഡ്രിഡുമായും 18ന് ലണ്ടനിലെ സ്റ്റാംഫോര്‍ഡ് ബ്രിഡ്ജില്‍ ചെല്‍സിയും ബാഴ്‌സലോണയും മാറ്റുരയ്ക്കും. രണ്ടാം പാദമത്സരം 24നും 25നുമാണ്.

മാഡ്രിഡിനുവേണ്ടി ക്രിസ്റ്റ്യാനോ റൊണാള്‍ഡോ 26. 75 മിനിറ്റുകളിലും കക്ക 36ാം മിനിറ്റിലും ഡി മാരിയ 84ാം മിനിറ്റിലും കല്ലെജോണ്‍ 80ാം മിനിറ്റിലും ലക്ഷ്യം കണ്ടു. മന്‍ഡുകയുടെ സൊളാരിയുമാണ് സൈപ്രസ് ടീമിനുവേണ്ടി വലകുലുക്കിയത്.

21ാം മിനിറ്റില്‍ ലാംപാര്‍ഡ് പെനല്‍റ്റിയിലൂടെയാണ് ആദ്യ ഗോള്‍ നേടിയത്. പത്തുപേരായി ചുരുങ്ങിയ ബെനഫിക്ക കടുത്ത പ്രതിരോധമാണ് തീര്‍ത്തത്. 85ാം മിനിറ്റില്‍ ജാവി ഗാര്‍സ്യ സമനില നേടിയെങ്കില്‍ അവസാന മിനിറ്റില്‍ റൗള്‍ മെയ്ര്‍ലെസ് നേടിയ തകര്‍പ്പന്‍ ഗോള്‍ ചെല്‍സിക്ക് വിജയം സമ്മാനിച്ചു.