ആന്‍ഡി മുറെ ബ്രിസ്ബണ്‍ സെമി ഫൈനലില്‍

ബ്രിസ്ബണ്‍: മാര്‍കോസ് ബാഗ്ദാറ്റിസിനെ 6-2, 6-2 എന്ന സ്‌കോറിനു കീഴടക്കി ആന്‍ഡി മുറെ ബ്രിസ്ബണ്‍ ഇന്റര്‍നാഷണല്‍ ടൂര്‍ണമെന്റിന്റെ സെമിഫൈനലില്‍ കടന്നു. ആസ്‌ത്രേലിയന്‍ ഓപണിനു മുന്നോടിയായുള്ള ടൂര്‍ണമെന്റിനെ ഏറെ ഗൗരവത്തോടെയാണ് ടെന്നിസ് ലോകം കാണുന്നത്.

അവസാന നാലില്‍ ബെര്‍ണാഡ് ടോമിക്കാണ് മുറെയുടെ എതിരാളി. വാശിയേറിയ ഒരു പോരാട്ടത്തില്‍ ഗില്ലെസ് മുള്ളരെ 4-6, 7-5, 6-0 എന്ന സ്‌കോറിനു കീഴടക്കിയാണ് ആന്‍ഡി മുറെ ക്വാര്‍ട്ടറില്‍ പ്രവേശിച്ചത്.

ആസ്‌ത്രേലിയയിലെ നമ്പര്‍ വണ്‍ താരമാണ് ബെര്‍ണാര്‍ഡ് സെമിയില്‍ ബ്രിട്ടീഷ് താരത്തിന് കടുത്ത വെല്ലുവിളികള്‍ ഉയര്‍ത്തുമെന്നാണ് കരുതുന്നത്. ടൂര്‍ണമെന്റിലെ എട്ടാം സീഡ് ലോകത്തെ 42ാം റാങ്കുകാരനുമായ ഈ 19കാരന്‍ ബ്രിസ്ബണില്‍ വിസ്മയിപ്പിക്കുന്ന പ്രകടനമാണ് കാഴ്ചവെച്ചത്. ഈ ടൂര്‍ണമെന്റില്‍ ജയിക്കാനായാല്‍ ബെര്‍ണാഡിന് ഓസ്‌ട്രേലിയന്‍ ഓപണില്‍ സീഡിങ് ലഭിക്കുമെന്ന പ്രത്യേകതയുമുണ്ട്.