ഇനിസ്റ്റയ്ക്ക് മൂന്നാഴ്ചത്തെ വിശ്രമം

മാഡ്രിഡ്: ബാഴ്‌സലോണ മിഡ്ഫീല്‍ഡര്‍ ആന്ദ്രെ ഇനിസ്റ്റ മൂന്നാഴ്ചത്തേക്ക് മത്സരങ്ങളില്‍ നിന്നു വിട്ടുനില്‍ക്കും. കിങ്‌സ് കപ്പിലെ രണ്ടാം പാദ ക്വാര്‍ട്ടര്‍ ഫൈനല്‍ മത്സരത്തിനിടെയേറ്റ പരിക്കാണ് കാരണം.

മാഡ്രിഡിനെതിരേയുള്ള മത്സരത്തില്‍ അല്‍ബാരോ അര്‍ബെലോയുമായി കൂട്ടിമുട്ടിയതിനെ തുടര്‍ന്ന് തുടയ്ക്കാണ് പരിക്കേറ്റത്.
രണ്ടാം പാദ മത്സരം 2-2ന് സമനിലയില്‍ കലാശിച്ചെങ്കിലും ഇരുപാദങ്ങളിലുമായി 4-3 എന്ന സ്‌കോറില്‍ വിജയിച്ച് ബാഴ്‌സലോണ സെമിയില്‍ കടന്നു.

നിലവിലുള്ള ചാംപ്യന്മാരാണ് മാഡ്രിഡ്. ബാഴ്‌സയുടെ ചിലിയന്‍ താരം അലെക്‌സിസ് സാഞ്ചെസിനു തോളെല്ലിനു പരിക്കേറ്റിട്ടുണ്ട്.