മൂന്നാം ഏകദിനത്തില്‍ ബാലാജി കളിക്കില്ല

ബാലാജി: ഇന്ത്യയുടെ മീഡിയം പേസ് ബൗളര്‍ ലക്ഷ്മിപതി ബാലാജി ജാംഷെഡ്പൂരില്‍ നടക്കുന്ന മൂന്നാമത്തെ ഏകദിന മത്സരത്തില്‍ കളിക്കില്ല. പകരം മീഡിയം പേസര്‍ അജിത് അഗാര്‍ക്കറെ ടീമില്‍ ഉള്‍പ്പെടുത്തിയിട്ടുണ്ട്.

ബാലാജിയെ ടീമില്‍ നിലനിര്‍ത്തിയിട്ടുണ്ടെങ്കിലും പരിക്ക് മൂലം അടുത്ത മത്സരത്തില്‍ അദ്ദേഹത്തിന് മിക്കവാറും കളിക്കാനാവില്ലെന്നതിനാലാണ് 15-ാമനായി അഗാര്‍ക്കറെ ടീമില്‍ ഉള്‍പ്പെടുത്തിയത്.

കൈക്ക് ചെറിയ പ്രശ്നമുള്ളതുകൊണ്ടാണ് ജാംഷെഡ്പൂരിലെ മത്സരത്തില്‍ ബാലാജിയെ ഒഴിവാക്കുന്നത്. അതേ സമയം ബാലാജി ജാംഷെഡ്പൂരിലെത്തും. താന്‍ മുംബൈയില്‍ നിന്ന് റാഞ്ചി വഴി ജാംഷെഡ്പൂരിലെത്തുമെന്ന് ബാലാജി പറഞ്ഞു.