ഫ്രഞ്ച് കിരീടം സെറീനയ്ക്ക്

പാരിസ്: ഫ്രഞ്ച് ഓപ്പണ്‍ വനിതാ കിരീടം സെറീന വില്ല്യംസിന്. ഫൈനലില്‍ സഹോദരി വീനസ് വില്ല്യംസിനെയാണ് സെറീന തോല്പിച്ചത്(സ്കോര്‍: 7-5, 6-3).

സെറീനയുടെ രണ്ടാം ഗ്രാന്റ് സ്ലാം വിജയമാണ് റൊളാങ് ഗാരോസില്‍ നടന്നത്. യുഎസ് ഓപ്പണ്‍ ഫൈനലില്‍ വീനസില്‍ നിന്നേറ്റ പരാജയത്തിന് മധുരമായി പകരം വീട്ടുകയായിരുന്നു സെറീന റൊളാങ് ഗാരോസില്‍.

എന്റെ സ്വപ്നം യാഥാര്‍ത്ഥ്യമായി. പക്ഷെ വീനസിനെതിരെ നേടിയ വിജയമായതിനാല്‍ ഈ വിജയത്തിന് മധുരവും കയ്പുമുണ്ട്.- സെറീന പറഞ്ഞു.