ക്രോസ് കണ്‍ട്രി ചാമ്പ്യന്‍ഷിപ്പില്‍ എംജിക്ക് കിരീടം

കൊച്ചി: കോതമംഗലത്ത് നടന്ന അന്തര്‍സര്‍വകലാശാല ക്രോസ് കണ്‍ട്രി ചാമ്പ്യന്‍ഷിപ്പില്‍ എംജി സര്‍വകലാശാലയ്ക്ക് കിരീടം. പുരുഷ-വനിതാ വിഭാഗങ്ങളില്‍ ഏറ്റവും കൂടുതല്‍ പോയന്റ് നേടിയാണ് ആതിഥേയരായ എംജി സര്‍വകലാശാല നേട്ടം കൈവരിച്ചത്.

പുരുഷവിഭാഗത്തില്‍ ഉത്തര്‍പ്രദേശിലെ ഹുമയൂണ്‍ സര്‍വകലാശാലയിലെ ഹോഷിയാര്‍സിംഗ് ബിസ്തുവും വനിതാവിഭാഗത്തില്‍ ഹിമാചല്‍ പ്രദേശ് സര്‍വകലാശാലയിലെ വനിതാതാക്കൂറും വ്യക്തിഗത ചാമ്പ്യന്‍മാരായി.