ജോണ്‍ ഗ്ലോസ്റര്‍ ഇന്ത്യന്‍ ടീമിന്റെ ഫിസിയോ ആയേക്കും

തിരുവനന്തപുരം: അഡലെയ്ഡില്‍ നിന്നുള്ള ജോണ്‍ എഫ് ഗ്ലോസ്റര്‍ ഇന്ത്യന്‍ ക്രിക്കറ്റ് ടീമിന്റെ ഫിസിയോ ആയേക്കുമെന്ന് ബിസിസിഐ സെക്രട്ടറി എസ്. കെ. നായര്‍ പറഞ്ഞു.

ആന്‍ഡ്രൂ ലീപ്പസ് ഈയിടെ ഇന്ത്യന്‍ ക്രിക്കറ്റ് ടീമിന്റെ ഫിസിയോ സ്ഥാനം ഒഴിഞ്ഞതിനെ തുടര്‍ന്നാണ് ജോണ്‍ എഫ് ഗ്ലോസ്ററെ ഈ സ്ഥാനത്തേക്ക് പരിഗണിക്കുന്നത്.

ഗ്ലോസ്ററിനാണ് പ്രഥമ പരിഗണനയെന്നും വ്യവസ്ഥകള്‍ സ്വീകാര്യമാണെങ്കില്‍ ഗ്ലോസ്റര്‍ ഫിബ്രവരി ആദ്യവാരം ഫിസിയോ ആയി ചുമതലയേല്‍ക്കുമെന്നും നായര്‍ പറഞ്ഞു.