ഇന്ത്യന്‍ ടീമിന് 50 ലക്ഷം സമ്മാനത്തുക

ചരിത്രവിജയം നേടിയ ഇന്ത്യന്‍ ടീമിനെ അഭിനന്ദിയ്ക്കാന്‍ ഞാനും മറ്റുള്ളവരോടൊപ്പം ചേരുകയാണ്. - സമ്മാനത്തുക പ്രഖ്യാപിച്ച ശേഷം ബിസിസിഐ പ്രസിഡന്റ് ജഗ്മോഹന്‍ ഡാല്‍മിയ പറഞ്ഞു. റാവല്‍പിണ്ടി ടെസ്റിലെ നിര്‍ണ്ണായകമായ മൂന്നാം ടെസ്റില്‍ ഇന്നിംഗ്സിനും 131 റണ്‍സിനുമാണ് ഇന്ത്യ വിജയിച്ചത്.

നേരത്തെ ഏകദിന പരമ്പര 3-2ന് വിജയിച്ചപ്പോഴും ബിസിസിഐ 50 ലക്ഷം രൂപ ഇന്ത്യന്‍ ടീമിന് സമ്മാനമായി പ്രഖ്യാപിച്ചിരുന്നു. ഒരു ടീം മറ്റൊരു ടീമിന് മേല്‍ വിജയം നേടുക എന്നതിലുപരി ക്രിക്കറ്റിലൂടെ രണ്ട് രാജ്യങ്ങളിലെ ജനങ്ങളെ തമ്മില്‍ അടുപ്പിയ്ക്കാന്‍ കഴിഞ്ഞു എന്നതാണ് ഏറ്റവും വലിയ നേട്ടം. ഈ പരമ്പരകളിലെ യഥാര്‍ത്ഥവിജയി ക്രിക്കറ്റാണെന്നും ഡാല്‍മിയ പറഞ്ഞു.