അര്‍ജന്റീന ഇക്വഡോറിനെ തകര്‍ത്തു

ലിമ: കോപ അമേരിക്ക ഫുട്ബാളില്‍ അര്‍ജന്റീനയ്ക്ക് ഐതിഹാസികമായ തുടക്കം.

ഒന്നിനെതിരെ അഞ്ചു ഗോളുകള്‍ക്ക് ഇക്വഡോറിനെ തകര്‍ത്താണ് അര്‍ജന്റീന അരങ്ങേറിയത്. അര്‍ജന്റീനയുടെ സ്ട്രൈക്കര്‍ ജാവിയര്‍ സാവിയോള ഹാട്രിക് നേടി.

ആദ്യപകുതിയില്‍ കളി 1-1 സമനിലയിലായിരുന്നു. എന്നാല്‍ രണ്ടാം പകുതിയില്‍ അര്‍ജന്റീന ആഞ്ഞടിച്ചു. വെറും 15 മിനിറ്റിലായിരുന്നു ജാവിയര്‍ സാവിയോളയുടെ മൂന്ന് ഗോളുകള്‍. അലസാന്റ്രോയും ഗൊണ്‍സാലെസും അര്‍ജന്റീനയ്ക്ക് വേണ്ടി ഗോളുകള്‍ നേടി.