കാലിക്കറ്റ് സര്‍വകലാശാല വനിതാ ബാസ്കറ്റ് ബോള്‍ ചാമ്പ്യന്മാര്‍

പോണ്ടിച്ചേരി: ദക്ഷിണമേഖലാ അന്തര്‍ സര്‍വകലാശാലാ വനിതാ ബാസ്കറ്റ്ബോള്‍ കിരീടം കാലിക്കറ്റ് സര്‍വകലാശാല നേടി. കേരള സര്‍വകലാശാലയെ 39-27 എന്ന സ്കോറിന് പരാജയപ്പെടുത്തിയാണ് കാലിക്കറ്റ് പെണ്‍കുട്ടികള്‍ ചാമ്പ്യന്മാരായത്.

നാലു ടീമുകള്‍ പങ്കെടുത്ത ടൂര്‍ണമെന്റിലെ എല്ലാ മത്സരങ്ങളും വിജയിച്ചുകൊണ്ടാണ് കാലിക്കറ്റ് സര്‍വകലാശാല കിരീടം നേടിയിരിക്കുന്നത്.

മഹാത്മാ ഗാന്ധി സര്‍വകലാശാലയെ 61-45 എന്ന സ്കോറിന് തോല്പിച്ച മദ്രാസ് സര്‍വകലാശാല രണ്ടാം സ്ഥാനക്കാരായി. മഹാത്മാഗാന്ധി സര്‍വകലാശാലക്ക് മൂന്നാം സ്ഥാനമാണ്.