ലണ്ടന്: ലോക സ്നൂക്കര് ചാംപ്യന്ഷിപ്പില് ജേതാവായ ശേഷം വെയ്ല്സിന്റെ വെറ്ററന് താരമായ മാര്ക്ക് വില്ല്യംസ് വസ്ത്രമില്ലാതെ വാര്ത്താസമ്മേളനത്തിനെത്തിയാണ് കായിക ലോകത്ത് ഇപ്പോഴത്തെ സംസാരവിഷയം. എന്നാല് മല്സരത്തിനു മുമ്പ് നല്കിയ വാക്കു പാലിക്കാനാണ് താരം ഈയൊരു സാഹസം നടത്തിയത്.
ഐപിഎല്: പ്ലേഓഫില് ആരൊക്കെ കളിക്കും? ആരെയും വില കുറച്ച് കാണേണ്ട, എട്ടു ടീമിനും സാധ്യത!!
ഐപിഎല്: ഇത് 'ദുരന്ത ഇലവന്'... വന് ഫ്ളോപ്പുകള് ഒരു കുടക്കീഴില്, സംഘത്തില് യുവിയും!!
താന് ലോക ചാംപ്യനായാല് വസ്ത്രമില്ലാത വാര്ത്താസമ്മേളനത്തിനെത്തുമെന്നു 43 കാരനായ വില്ല്യംസ് നേരത്തേ പ്രഖ്യാപിച്ചിരുന്നു. എന്നാല് താരത്തിന്റെ കണക്കുകൂട്ടലുകള് തെറ്റി. ആവേശകരമായ ഫൈനലില് സ്കോട്ട്ലന്ഡ് താരം ജോണ് ഹിഗ്ഗിന്സിനെ 18-16നു തോല്പ്പിച്ചു വില്ല്യംസ് വിശ്വ വിജയിയാവുകയായിരുന്നു. ഇതോടെയാണ് തന്റെ വാക്കു പാലിക്കാന് നഗ്നനായി താരത്തിന് വാര്ത്താസമ്മേളനത്തിനു എത്തേണ്ടിവന്നത്.
He's a man of his word...
— BBC Snooker (@BBCSnooker) May 7, 2018
As promised, Mark Williams has arrived for his press conference as world champion - naked! 😳#bbcsnooker pic.twitter.com/yEF9h2MqMF
സ്നൂക്കര് ചാംപ്യന്ഷിപ്പിന്റെ 40 വര്ഷത്തെ ചരിത്രത്തിലെ ഏറ്റവും പ്രായം കൂടിയ ലോകചാംപ്യനെന്ന റെക്കോര്ഡും ഇതോടെ വില്ല്യംസിന്റെ പേരിലായി. കരിയറിലെ മൂന്നാം ലോക സ്നൂക്കര് കിരീടമാണ് താരം കൈക്കലാക്കിയത്.
A man true to his word, @markwil147 strips off for his winning press conference! #ilovesnooker @Betfred pic.twitter.com/4wUZl2m5nA
— World Snooker (@WorldSnooker1) May 7, 2018
അവിശ്വസനീയമെന്നാണ് തന്റെ കിരീടവിജയത്തെക്കുറിച്ച് വാര്ത്താസമ്മേളനത്തില് വില്ല്യംസ് പറഞ്ഞത്. ഈയൊരു നേട്ടം സ്വന്തമാക്കാനാവുമെന്ന് ഒരു വര്ഷം മുമ്പ് പോലും ഒട്ടും പ്രതീക്ഷിച്ചിരുന്നില്ല. ഒരിക്കലും സാധിക്കില്ലെന്നു കരുതിയതാണ് ഇപ്പോള് താന് യാഥാര്ഥ്യമാക്കിയതെന്നും താരം വിശദമാക്കി. ഈ കിരീടവിജയം തന്റെ ആത്മവിശ്വാസം വര്ധിപ്പിച്ചുവെന്നും നിലനിര്ത്താന് അടുത്ത വര്ഷവും മല്സരിക്കുമെന്നും വില്ല്യംസ് പറഞ്ഞു.