ജെയ്ഷ കാല് മാറുന്നോ.... അത്‌ലറ്റിക് ഫെഡറേഷനോട് വെള്ളം ചോദിച്ചിട്ടില്ലെന്ന്!!! എല്ലാപഴിയും കോച്ചിന്

അങ്ങനെ പറഞ്ഞിട്ടില്ല

അത്‌ലറ്റിക് ഫെഡറേഷന്‍ വെള്ളം തന്നിട്ടില്ലെന്ന് താന്‍ പറഞ്ഞിട്ടില്ലെന്നാണ് ഇപ്പോള്‍ ജെ്ഷ ഏഷ്യാനെറ്റ് ന്യൂസിനോട് പറഞ്ഞത്. എന്നാല്‍ കഴിഞ്ഞ ദിവസം വരെ പറഞ്ഞിരുന്നത് അങ്ങനെ ആയിരുന്നില്ല.

എഎഫ്‌ഐ

അത്‌ലറ്റിക് ഫെഡറേഷനെതിരെ ആഞ്ഞടിച്ചുകൊണ്ടായിരുന്നു കഴിഞ്ഞ ദിവസങ്ങളില്‍ ജെയേഷ ഉന്നയിച്ചത്. എന്നാല്‍ ഇപ്പോള്‍ ഫെഡറേഷനെ പിന്തുണച്ചുകൊണ്ടാണ് ജെയ്ഷ രംഗത്തെത്തുന്നത്.

കോടികള്‍

തങ്ങള്‍ക്ക് വേണ്ടി കോടികള്‍ ചെലവഴിയ്ക്കാന്‍ അത്‌ലറ്റിക് ഫെഡറേഷന്‍ തയ്യാറാണെന്നാണ് ഇപ്പോള്‍ ജെയ്ഷ പറയുന്നത്.

പരിശീലകന് കുറ്റം

വെള്ളവും എനര്‍ജി ഡ്രിങ്കുകളും വേണോ എന്ന് ഫെഡറേഷന്‍ ചോദിച്ചിരുന്നു എന്നും പരിശീലകന്‍ നിക്കോളായ് ആണ് വേണ്ടെന്ന് പറഞ്ഞത് എന്നും ആണ് ഇപ്പോള്‍ ജെയ്ഷ പറയുന്നത്.

ഇന്നലെ പറഞ്ഞത്

വെള്ളവും എനര്‍ജ് ഡ്രിങ്കുകളും വേണോ എന്നത് സംബന്ധിച്ച് ചോദിച്ചിരുന്നുവെന്നും ജെയ്ഷയും പരിശീലകനും അത് ആവശ്യമില്ലെന്ന് പറഞ്ഞു എന്നുമാണ് അത്‌ലറ്റിക് ഫെഡറേഷന്‍ കഴിഞ്ഞ ദിവസം നല്‍കിയ വിശദീകരണം. തനിയ്ക്ക് ഇക്കാര്യത്തില്‍ നുണപറയേണ്ട കാര്യമില്ലെന്നാണ് ജെയ്ഷ ഇതിനോട് പ്രതികരിച്ചത്.

കോച്ചിനെതിരെ

പരിശീലകനെതിരെ കഴിഞ്ഞ ദിവസവും ജെയ്ഷ പ്രതികരിച്ചിരുന്നു. തനിക്ക് 1,500 മീറ്ററില്‍ ഓനായിരുന്നു താത്പര്യം എന്നും പരിശീലകന്റെ നിര്‍ബന്ധത്തിന് വഴങ്ങിയാണ് 42 കിലോമീറ്ററില്‍ പങ്കെടുത്തത് എന്നുമായിരുന്നു ജെയ്ഷ പറഞ്ഞത്.

നിലപാട് മാറ്റം?

ജെയ്ഷയുടെ നിലപാട് മാറ്റത്തിന് പിറകില്‍ വലിയ സമ്മര്‍ദ്ദം ഉണ്ടാകാനും സാധ്യതയുണ്ട്. അത്‌ലറ്റിക് ഫെഡറേഷന്റെ പിന്തുണയില്ലാതെ ജെയ്ഷയ്ക്ക് തുടര്‍ന്നും കായിക രംഗത്ത് നിലനിന്ന് പോകാന്‍ കഴിയില്ല.