Click it and Unblock the Notifications
Sporting Buzz
-
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം -
IPL 2024: ശശാങ്കിനെ ഫിനിഷര് ആക്കിയത് തെറ്റ്! പഞ്ചാബിന് യുവ താരങ്ങളെ വിശ്വാസമില്ല; തുറന്നടിച്ച് ആകാശ് ചോപ്ര -
IPL 2024: ഇംപാക്ട് പ്ലെയര് ബൗളര്മാരെ ദുര്ബലരാക്കുന്നു; ബാറ്റിംഗിനെ സഹായിക്കുന്നുവെന്ന് ബുംറ -
IPL 2024: ഇവര് തമ്മിലോ പിണക്കം? കെട്ടിപ്പിടിച്ച് വിജയം ആഘോഷിച്ച് രോഹിത്തും പാണ്ഡ്യയും -
IPL 2024: ജയം തുടരാന് സിഎസ്കെ, തിരിച്ചുവരാന് ലഖ്നൗ- ടോസ് 7 മണിക്ക് -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
T20 World Cup 2024: ആരേയും ഭയമില്ല, അടിച്ചുതകര്ക്കും; അഷുതോഷ് ടി20 ലോകകപ്പ് ടീമില് വേണോ? -
IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ് -
IPL 2024: പഞ്ചാബ് എന്തിനത് ചെയ്തു? പാളിയത് ആ തന്ത്രം; കളി തോല്പ്പിച്ച കറെന്റെ മണ്ടത്തരം ഇതാ -
IPL 2024: 14ന് 4, പിന്നെ അഷുതോഷ് ഷോ; മുംബൈ ജയിച്ചത് എങ്ങനെ? പിന്നില് ബുംറയുടെ തന്ത്രം
ടോക്കിയോ: നീന്തലില്‍ 200 മീറ്റര്‍ ബട്ടര്‍ഫ്‌ളൈ ഇനത്തിലെ രണ്ടാം ഹീറ്റ്‌സില്‍ ഇന്ത്യന്‍ താരം സജന്‍ പ്രകാശ് നാലാമത്. 1 മിനിറ്റും 57 സെക്കന്‍ഡും 22 മില്ലി സെക്കന്‍ഡും കൊണ്ട് താരം മത്സരം പൂര്‍ത്തിയാക്കി.
ഈ ഇനത്തില്‍ നോര്‍വെയുടെ ടൊമോ സെനിമോട്ടോ ഹവാസാണ് ഒന്നാമതെത്തിയത്. 1 മിനിറ്റും 56 സെക്കന്‍ഡും 30 മില്ലിസെക്കന്‍ഡും ഇദ്ദേഹം രേഖപ്പെടുത്തി. സിംഗപ്പൂരിന്റെ ക്വാഹ് സെങ് വെനാണ് രണ്ടാമന്‍. 1 മിനിറ്റും 56 സെക്കന്‍ഡും 42 മില്ലിസെക്കന്‍ഡും സെന്‍ കുറിച്ചു. മൂന്നാമതെത്തിയ അയര്‍ലണ്ട് താരം ബ്രെണ്ടന്‍ഡ് ഹൈലാന്‍ഡ് 1 മിനിറ്റും 57 സെക്കന്‍ഡും 9 മില്ലിസെക്കന്‍ഡുമാണ് കണ്ടെത്തിയത്.
ഇതോടെ പുരുഷന്മാരുടെ 200 മീറ്റര്‍ ബട്ടര്‍ഫ്‌ളൈ സെമിയില്‍ സജന്‍ പ്രകാശിന് കടക്കാനായില്ല. 100 മീറ്റര്‍ മത്സരത്തിലും അഞ്ചാം സ്ഥാനത്താണ് ഇന്ത്യന്‍ താരമെത്തിയത്. നേരത്തെ, ഒളിമ്പിക് യോഗ്യതാ മത്സരത്തില്‍ എ മാര്‍ക്ക് കരസ്ഥമാക്കിയാണ് സജന്‍ പ്രകാശ് ടോക്കിയോയിലേക്ക് വിമാനം കയറിയത്. 1:56:0.38 എന്നിങ്ങനെയായിരുന്നു ഇദ്ദേഹം കുറിച്ച സമയവും. നിലവില്‍ ഒളിമ്പിക് യോഗ്യതാ മത്സരത്തില്‍ എ മാര്‍ക്ക് നേടിയ ഇന്ത്യയിലെ ആദ്യത്തെ നീന്തല്‍ താരമാണ് സജന്‍ പ്രകാശ്.
പറഞ്ഞുവരുമ്പോള്‍ തിങ്കളാഴ്ച്ച കാര്യമായ നേട്ടങ്ങള്‍ കുറിക്കാന്‍ ഇന്ത്യന്‍ സംഘത്തിന് കഴിഞ്ഞിട്ടില്ല. അമ്പെയ്ത്തിലും ടേബിള്‍ ടെന്നീസിലും ബോക്‌സിങ്ങിലും ബാഡ്മിന്റണിലുമെല്ലാം ഇന്ത്യ അമ്പെ പരാജയപ്പെട്ടു.
ബോക്‌സിങ്ങില്‍ ഇന്ത്യയുടെ ആശിഷ് കുമാരി ചൗധരി കനത്ത തോല്‍വി ഏറ്റുവാങ്ങി. പുരുഷന്മാരുടെ മിഡില്‍വെയ്റ്റ് വിഭാഗത്തിലെ (69-75 കിലോ) റൗണ്ട് 32 മത്സരത്തില്‍ ചൈനീസ് താരം എര്‍ബിക്കെ തുവോഹത്തയോട് കീഴടങ്ങിയാണ് ആശിഷിന്റെ മടക്കം. 5-0 എന്ന വമ്പന്‍ പരാജയമാണ് കന്നി ഒളിമ്പിക്‌സില്‍ ഇന്ത്യന്‍ താരം ഏറ്റുവാങ്ങിയത്.
വനിതാ വിഭാഗം ടേബിള്‍ ടെന്നീസ് മൂന്നാം റൗണ്ടില്‍ ഇന്ത്യയുടെ മാനിക ബത്രയും മടങ്ങി. ഓസ്ട്രിയയുടെ സോഫിയ പോള്‍ക്കനോവയോട് നേരിട്ടുള്ള നാലു സെറ്റുകള്‍ക്കാണ് ഇന്ത്യന്‍ താരം തോറ്റത്. സ്‌കോര്‍: 11-8, 11-2, 11-5, 11-7.
അമ്പെയ്ത്തിലെ ടീമിനത്തില്‍ ഇന്ത്യയുെട പുരുഷ സംഘം ക്വാര്‍ട്ടര്‍ ഫൈനലില്‍ തോറ്റു. ദക്ഷിണ കൊറിയക്ക് മുന്നിലാണ് ഇന്ത്യ കീഴടങ്ങിയത്. അതാനു ദാസ്, പ്രവീണ്‍ ജാദവ്, തരുണ്‍ദീപ് റായി ത്രയം മൂന്നു സെറ്റുകളിലും അടിയറവ് പറയുകയായിരുന്നു.
ഇന്ന് ബാഡ്മിന്റണ്‍ പുരുഷ ഡബിള്‍സിലും ഇന്ത്യയ്ക്ക് തോല്‍വി പിണഞ്ഞു. ഗ്രൂപ്പ് എ മത്സരത്തില്‍ ഇന്ത്യയുടെ സാത്വിക്‌സായിരാജ് റാണിക്‌റെഡ്ഢി - ചിരാഗ് ഷെട്ടി സഖ്യം ഇന്തോന്യേയുടെ മാര്‍ക്കസ് ഫെര്‍ണാല്‍ഡി ഗിഡിയണ്‍ - കെവിന്‍ സഞ്ജയ സുഖമുല്‍ജോ കൂട്ടുകെട്ടിനോടാണ് കീഴടങ്ങിയത്. ഇന്ത്യയുടെ തോല്‍വി നേരിട്ടുള്ള സെറ്റുകള്‍ക്കാണുതാനും. സ്‌കോര്‍: 21-13, 21-12
ടേബിള്‍ ടെന്നീസ് വനിതാ സിംഗിള്‍സ് രണ്ടാം റൗണ്ടില്‍ ഇന്ത്യയുടെ സുതിര്‍ത മുഖര്‍ജിയും ഇന്ന് തോറ്റു. പോര്‍ച്ചുഗലിന്റെ ഫു യുവിനോട് നേരിട്ട നാലു സെറ്റുകള്‍ക്കാണ് ഇന്ത്യന്‍ താരത്തിന്റെ കീഴടങ്ങല്‍. സ്‌കോര്‍: 11-3, 11-3, 11-5, 11-5.
