ഫാസ്റ്റ് ബൗളര്‍ ഷമിക്ക് മോഡല്‍ വധുവായ കഥ

By Kishor

Updated: Tuesday, June 10, 2014, 9:51 [IST]

ക്രിക്കറ്റ് താരങ്ങളുടെ പതിവ് ഗോസിപ്പ് കഥകളിലൊന്നും പെടാത്ത കളിക്കാരനാണ് ഫാസ്റ്റ് ബൗളര്‍ മുഹമ്മദ് ഷമി. അതുകൊണ്ടു തന്നെ ഷമിയുടെ വിവാഹ വാര്‍ത്ത കേട്ട് ആരാധകര്‍ ഒന്ന് ഞെട്ടിയിട്ടുണ്ടാകണം. വിവാഹത്തിന്റെ ഒരു സൂചന പോലും ഷമി വിട്ടുനല്‍കിയിരുന്നില്ല, വിവാഹം പോകട്ടെ, ഒരു കാമുകിയുളള വിവരം പോലും അധികം ആരും അറിഞ്ഞിരുന്നില്ല എന്നതാണ് സത്യം.

രണ്ട് വര്‍ഷം മുമ്പ് ഐ പി എല്‍ ക്രിക്കറ്റിനിടെയാണ് മോഡലായ ഹാസിന്‍ ജഹാനെ ഷാമി പരിചയപ്പെട്ടത്. ക്രിക്കറ്റും മോഡലിംഗും തമ്മില്‍ ഒരു ലവ് റിലേഷന്‍ നേരത്തെ ഉള്ളതു കൊണ്ടും ഇരുവര്‍ക്കും പരസ്പരം ബോധിച്ചതുകൊണ്ടും പരിചയം പ്രണയമായി വളര്‍ന്നു. വിവാഹത്തോടെ ജഹാന്‍ മോഡലിംഗ് വിട്ടു. ഷാമിയുടെ കുടുംബകാര്യങ്ങള്‍ നോക്കി വീട്ടമ്മയായി കഴിയാനാണ് ജഹാന് താല്‍പര്യം.

ഇംഗ്ലണ്ട് പര്യടനത്തില്‍ കുടുംബത്തിലെ മരുമകള്‍ ഭാഗ്യം കൊണ്ടുവരും എന്ന വിശ്വാസത്തിലാണ് ഷമിയുടെ അച്ഛന്‍ തൗസീഫ് അഹമ്മദ്. പ്രശസ്ത ക്രിക്കറ്റ് താരങ്ങളുടെ വിവാഹച്ചടങ്ങുകള്‍ കൂടി കാണൂ.

മുഹമ്മദ് ഷമി

ഇന്ത്യയുടെ പുതിയ ഫാസ്റ്റ് ബൗളിംഗ് സെന്‍സേഷനാണ് കൊല്‍ക്കത്തക്കാരനായ മുഹമ്മദ് ഷമി. രണ്ട് വര്‍ഷത്തെ പ്രണയത്തിന് ശേഷമാണ് മോഡല്‍ ഹാസിന്‍ ജഹാന്‍ ഷമിയുടെ ഭാര്യയായത്.