ഐപിഎല്ലില്‍ 'ലിന്‍ ക്യാച്ച്' തരംഗമാകുന്നു

By Kishor

Published: Friday, April 25, 2014, 11:13 [IST]

ഷാര്‍ജ: ഇനി കുറേ നാളത്തേക്ക് ക്രിസ് ലിന്നാണ് ക്രിക്കറ്റിലെ താരം. അമ്മാതിരി ക്യാച്ചല്ലേ ബൗണ്ടറി ലൈനില്‍ ഓസ്‌ട്രേലിയക്കാരനായ ക്രിസ് ലിന്‍ പറന്നെടുത്തത്. ഈ ഒരൊറ്റ ക്യാച്ചിന്റെ ബലത്തിലാണ് ബാംഗ്ലൂരിനെ കൊല്‍ക്കത്ത വെറും രണ്ട് റണ്‍സിന് തോല്‍പിച്ചത്.

ബാംഗ്ലൂര്‍ ഇന്നിംഗ്‌സിന്റെ അവസാന ഓവറിലെ നാലാം പന്തിലായിരുന്നു ലിന്നിന്റെ ഈ മാസ്മരിക ക്യാച്ച്. ജയിക്കാന്‍ വേണ്ടത് മൂന്ന് പന്തില്‍ ആറ് റണ്‍സ്. വിനയ് കുമാറിന്റെ പന്ത് ബൗണ്ടറിക്ക് മുകളിലൂടെ പറത്താന്‍ ഡിവില്ലിയേഴ്‌സിന്റെ ശ്രമം. വില്ലുപോലെ വളഞ്ഞ് ഏതാണ്ട് പൂര്‍ണമായി മലര്‍ന്ന് കിടന്ന് ക്യാച്ച് കൈപ്പിടിയില്‍ ഒതുക്കിയ ലിന്‍ വായുവില്‍ തന്നെ ഗ്രൗണ്ടിലേക്ക് തിരിച്ചുവീണു.

ഐ പി എല്ലിന്റെ ക്യാച്ചെന്നും നൂറ്റാണ്ടിന്റെ ക്യാച്ചെന്നും ക്രിക്കറ്റ് ആരാധകര് ലിന്നിന്റെ ക്യാച്ചിനെ വിളിച്ചുതുടങ്ങി. ഐ പി എല്ലിനെ അമ്പരപ്പിച്ച ക്രിസ് ലിന്നിന്റെയും കൊല്‍ക്കത്ത നൈറ്റ് റൈഡേഴ്‌സിന്റെയും കളി വിശേഷങ്ങളിലേക്ക്.