Click it and Unblock the Notifications
ഇംഗ്ലണ്ടുമായുള്ള മത്സരത്തിനായി പോയ ഇന്ത്യന്‍ ക്രിക്കറ്റ് താരങ്ങള്‍ക്ക് ഭക്ഷണം കഴിക്കാന്‍ പണം ഇല്ലെന്നാണ് റിപ്പോര്‍ട്ട്. ത്രീ സ്റ്റാര്‍ ഹോട്ടലിലാണ് കളിക്കാര്‍ കഴിയുന്നത്. ഇവിടെ നിന്ന് തന്നെ ഭക്ഷണം കഴിക്കണമെങ്കില്‍ നല്ല ബില്ല വരും. എന്നാല്‍ ഇത്രയും പണം ടീം ഓഫീഷ്യല്‍സിന്‌റെ കൈവശം ഇല്ല.
അണ്ടര്‍ 19 ടീം കോച്ച് രാഹുല്‍ ദ്രാവിഡിന് ദിവസ ചെലവിനുള്ള പണം നല്‍കാന്‍ പോലും കഴിയുന്നില്ല. ടീം അക്കൗണ്ട് ഓഫീസര്‍ ബിസിസിഐയുമായി ബന്ധപ്പെട്ടെങ്കിലും ഉടന്‍ പ്രശ്‌നം പരിഹരിക്കാം എന്ന മറുപടിയാണ് ലഭിച്ചത്.
നോട്ട് നിരോധനവും ഇന്ത്യന്‍ ടീമിന് പാരയായിരിക്കുകയാണ്. ഒരാഴ്ച 24,000 പിന്‍വലിക്കാന്‍ മാത്രമാണ് അനുവാദമുള്ളത്. ഈ പണം ഉപയോഗിച്ച് ടീമിന്‌റെ ഒരു ദിവസത്തെ ചെലവ് പോലും നടക്കില്ല.
6,800 രൂപയാണ് കളിക്കാര്‍ക്ക് ദിവസവും അലവന്‍സായി നല്‍കേണ്ടത്. എന്നാല്‍ ടീം മാനേജ്‌മെന്‌റിന്‌റെ കയ്യില്‍ പണം ഇല്ലാത്തതിനാല്‍ രക്ഷിതാക്കളാണ് ഇപ്പോള്‍ കളിക്കാര്‍ക്ക് പണം അയച്ച് നല്‍കുന്നത്.് താമസം ത്രീ സ്റ്റാര്‍ ഹോട്ടലില്‍ ആണെങ്കില്‍ ഭക്ഷണം പുറത്തെ സാധാരണ ഹോട്ടലിലേക്ക് മാറ്റിയിരിക്കുകയാണ് കളിക്കാര്‍.
ബിസിസിഐ പ്രസിഡന്‌റ് ആയിരുന്ന അനുരാഗ് ഠാക്കൂറിനെയും ട്രഷറര്‍ അനിരുദ്ധ് ചൗധരിയയെും പുറത്താക്കി കഴിഞ്ഞു. നിലവില്‍ ബില്ലുകള്‍ പാസാക്കാന്‍ ആളില്ല. ഈ പ്രശ്‌നം ഉടന്‍ പരിഹരിക്കുമെന്നാണ് പുതിയ ബിസിസിഐ ഭരണസമിതി വ്യക്തമാക്കിയിരിക്കുന്നത്.
കളിക്കാര്‍ താമസിക്കുന്ന ഹോട്ടലില്‍ സാന്‍വിച്ചിന്‌റെ വില 1500 രൂപയാണ്. ഇത്രയും പണം നല്‍കാന്‍ കളിക്കാരുടെ കൈവശം ഇല്ല. പ്രാതല്‍ ഹോട്ടലുകാര്‍ നല്‍കും. ബാക്കി ഭക്ഷണത്തിനുള്ള പണം വീട്ടുകാര്‍ അയച്ചുതരികയാണെന്നും താരങ്ങള്‍ പറയുന്നു.
