ന്യൂയോര്ക്ക്: ചെക് താരം കരോലിന പ്ലിസ്കോവയെ കീഴടക്കിയ ജര്മനിയുടെ ആഞ്ജലിക് കെര്ബറിന് യുഎസ് കിരീടം. 28കാരിയായ കെര്ബര് 6-3, 4-6, 6-4 എന്ന സ്കോറില് വിജയം പിടിച്ചെടുത്തോടൊപ്പം പുതിയ ലോക നമ്പര് വണ് താരമായി മാറുകയും ചെയ്തു.
ഈ വര്ഷം കെര്ബര് നേടുന്ന രണ്ടാം ഗ്ലാന്സ്ലാം കിരീടമാണിത്. ജനുവരിയില് നടന്ന ആസ്ത്രേലിയന് ഓപ്പണ് ഫൈനലില് സെറീന വില്യംസിനെ 6-4, 3-6, 6-4 എന്ന സ്കോറില് കീഴടക്കിയായിരുന്നു. 2012ല് ഫ്രഞ്ച് ഓപ്പണ് ക്വാര്ട്ടറിലും 2016ല് വിംബിള്ഡണ് ഫൈനലിലും എത്തിയിരുന്നു. റിയോ ഒളിംപിക്സിലെ വെള്ളി മെഡല് ജേതാവ് കൂടിയാണ്.
ഈ വിജയത്തിന് ഒരു പ്രതികാരത്തിന്റെ മധുരവുമുണ്ട്. ഈ വര്ഷത്തെ സിന്സിനാറ്റി ടൂര്ണമെന്റിന്റെ ഫൈനലില് ചെക് താരം കെര്ബറിനെ 6-3, 6-1 എന്ന സ്കോറില് ദയനീയമായി തോല്പ്പിച്ചിരുന്നു. യുഎസ് ഓപണ് ടൂര്ണമെന്റില് സെറീന വില്യംസിനെ വീഴ്ത്തിയത് കരോലീനയായിരുന്നു.
പുരുഷവിഭാഗം സിംഗിള്സില് ഒന്നാം സീഡ് ദ്യോക്കോവിച്ച് മൂന്നാം സീഡ് സ്റ്റാന്സിലാണ് വാവ്റിങ്കയെ നേരിടും. കെയ് നിഷികോരിയെ തോല്പ്പിച്ചാണ് സ്വിസ് താരം കലാശപ്പോരാട്ടത്തിന് യോഗ്യത നേടിയത്.