റായിഡുവിനും സെഞ്ചുറി, ശ്രീലങ്ക പിന്നെയും തോറ്റു

By Kishor

Updated: Friday, November 7, 2014, 9:29 [IST]

അഹമ്മദാബാദ്: വെസ്റ്റ് ഇന്‍ഡീസിന് പകരം വന്ന ശ്രീലങ്കയും ഇന്ത്യക്ക് ഒരു ഇരയല്ല. അഞ്ച് മത്സരങ്ങളുടെ പരമ്പരയില്‍ രണ്ട് കളികള്‍ കഴിഞ്ഞപ്പോള്‍ രണ്ടും ജയിച്ച് മുന്നിലാണ് ഇന്ത്യ. സങ്കക്കാരയും ദില്‍ഷനും ജയവര്‍ദ്ധനെയും ഉണ്ടായിട്ടും ഒരു കളി പോലും ജയിക്കാനാവാതെ പതറുകയാണ് ശ്രീലങ്ക. ബാറ്റിംഗ് തട്ടിമുട്ടി ഒപ്പിക്കല്‍ ഫോമിലാണെങ്കിലും ബൗളിംഗിലെ മൂര്‍ച്ചയില്ലായ്മയാണ് ലങ്കയ്ക്ക് പണിയാകുന്നത്.

ആദ്യ കളിയില്‍ സെഞ്ചുറി നേടിയത് ശിഖര്‍ ധവാനും അജിന്‍ക്യ രഹാനെയും ആണെങ്കില്‍ അഹമ്മദാബാദില്‍ അമ്പാട്ടി റായിഡുവിന്റെ ഊഴമായിരുന്നു. 118 പന്തില്‍ 121 റണ്‍സെടുത്ത് കന്നി സെഞ്ചുറിയുമായി പുറത്താകാതെ നിന്ന റായിഡുവിന്റെ മികവില്‍ ഇന്ത്യ ലങ്ക ഉയര്‍ത്തിയ 275 റണ്‍സ് ലക്ഷ്യം പാട്ടുംപാടി അടിച്ചെടുത്തു. 44.3 ഓവറിലായിരുന്നു ഇന്ത്യയുടെ ജയം. ചിത്രങ്ങള്‍ കാണൂ.

സെഞ്ചുറി ക്ലബ്ബില്‍ റായുഡുവും

ഇരുപത്തൊമ്പതാമത്തെ വയസ്സിലാണ് അമ്പാട്ടി റായിഡു ഏകദിനത്തിലെ കന്നി സെഞ്ചുറി അടിച്ചത്. അത് വെറുതെ ആയില്ല. ലങ്കയ്‌ക്കെതിരെ ഇന്ത്യയെ ആറ് വിക്കറ്റിന് ജയിപ്പിച്ചു ഈ സെഞ്ചുറി.