പൂണെ: പ്രോ കബഡി ലീഗ് ഏഴാം സീസണ് പൂണെ ലെഗില് നടന്ന മത്സരത്തില് തെലുഗ് ടൈറ്റന്സും പറ്റ്ന പൈറേറ്റ്സും സമനിലയില് പിരിഞ്ഞു. മറ്റൊരു മത്സരത്തില് പൂണേരി പള്ട്ടാന് നിലവിലെ ചാമ്പ്യന്മാരായ ബംഗളുരു ബുള്സിനെ പരാജയപ്പെടുത്തി. വമ്പന് സ്കോര് പിറന്ന മത്സരത്തില് 42-42 എന്ന നിലയിലാണ് ഇരു ടീമുകളും പിരിഞ്ഞത്. പൂണേരി പള്ട്ടാന് 42-38 എന്ന സ്കോറിന് ബെംഗളുരുവിനേയും വീഴ്ത്തി.
തെലുഗ് ടൈറ്റന്സിനായി സിദ്ധാര്ഥ് ദേശായിയും രജ്നിഷ് ദലാലും തിളങ്ങി. സിദ്ധാര്ഥ് 12 പോയന്റും രജ്നിഷ് 10 പോയന്റും സ്വന്തമാക്കി. പൈറേറ്റ്സിനായി പര്ദീപ് നര്വാള് 17 പോയന്റുമായി മിന്നുന്ന പ്രകടനം കാഴ്ചവെച്ചു. ലീ ജങ് 7 പോയന്റും ഹാദി ഒഷ്ടോറക്ക് 5 പോയന്റും നേടി. അവസാന മിനിറ്റുകളില് ജയത്തിനായി ഇരു ടീമുകളും പൊരുതി നോക്കിയെങ്കിലും മത്സരം സമനിലയില് അവസാനിച്ചു.
വിടവാങ്ങല് മത്സരത്തില് മസാകഡ്സ വെടിക്കെട്ട്; അഫ്ഗാനെതിരെ സിംബാബ്വെയ്ക്ക് ജയം
സ്വന്തം കാണികള്ക്ക് മുന്നില് 17 പോയന്റുമായി തര്പ്പന് പ്രകടനം നടത്തിയ പങ്കജ് മോഹിത്തിന്റെ റെയ്ഡുകളാണ് പൂണേരി പള്ട്ടാന് ജയം എളുപ്പമാക്കിയത്. സാഗര് കൃഷ്ണ 7ഉം സുര്ജീത് സിങ് 6 പോയന്റും നേടി. രോഹിത് കുമാര് 14 പോയന്റ് നേടി ബംഗളുരുവിന്റെ ടോപ് സ്കോററായി. പവന് കുമാര് 12 പോയന്റും സ്വന്തമാക്കി. അനാവശ്യ പിഴവികളാണ് ബെംഗളുരുവിന്റെ തോല്വിക്കിടയാക്കിയത്.