ബെംഗളുരു: പ്രോ കബഡി ലീഗ് ഏഴാം സീസണ് ബെംഗളുരു ലെഗില് നടന്ന മത്സരത്തില് പൂണേരി പള്ട്ടാനും യു മുംബയും സമനിലയില് പിരിഞ്ഞു. തുടക്കംമുതല് ആവേശകരമായ മത്സരത്തില് ഇരു ടീമുകളും 33-33 എന്ന സ്കോറിനാണ് കളി അവസാനിപ്പിച്ചത്. അവസാന മിനിറ്റുകളില് ജയം മാറി മറിഞ്ഞെങ്കിലും ലീഡില് കളിയവസാനിപ്പിക്കാന് രണ്ട് ടീമുകള്ക്കും കഴിഞ്ഞില്ല. ബെംഗളുരു ലെഗിലെ ആദ്യ സമനിലയാണിത്.
പൂണേരി പള്ട്ടാനുവേണ്ടി മന്ജീത് 10 പോയന്റുമായി ടോപ് സ്കോററയായി. പങ്കജ് മോഹിത് 5 പോയന്റ് നേടി രണ്ടാം സ്ഥാനത്തെത്തി. മറ്റു കളിക്കാരും ഒപ്പം നില്ക്കുന്ന പ്രകടനമാണ് കാഴ്ചവെച്ചത്. കൂടുതല് പ്രതിരോധത്തിലൂന്നിക്കളിച്ച ടീം ടാക്കിളിങ്ങിലും റെയ്ഡിലും എതിരാളികള്ക്ക് മേല്ക്കൈ നേടാന് അവസരം നല്കിയില്ല. പോയന്റ് പട്ടികയില് പത്താം സ്ഥാനത്താണ് ഇപ്പോള് പൂണേരി പള്ട്ടാന്.
യുഎസ് ഓപ്പണ്; സ്വിറ്റോലിനയെ തകര്ത്ത് സെറീന ഫൈനലില്, എതിരാളി ബിയാങ്ക
തുടര്വിജയങ്ങളുമായെത്തിയ മുംബയ്ക്ക് ജയം ആവര്ത്തിക്കാനായില്ല. മുംബയ്ക്കുവേണ്ടി അഭിഷേക് സിങ് 11 പോയന്റ് നേടിയപ്പോള് അതുല്, സന്ദീപ് എന്നിവര് 4 വീതം പോയന്റും നേടി. സന്ദീപിന്റെ ടാക്കിളുകള് ടീമിന് തുണയായി. പോയന്റ് പട്ടികയില് ആറാം സ്ഥാനത്തുള്ള മുംബ പ്ലേ ഓഫ് പ്രതീക്ഷയിലാണ്. ആദ്യ ആറു സ്ഥാനക്കാര്ക്കാണ് പ്ലേ ഓഫില് കളിക്കാന് യോഗ്യത ലഭിക്കുക.