മുംബൈ: പ്രോ കബഡി ലീഗ് ഏഴാം സീസണ് വ്യാഴാഴ്ച നടന്ന മത്സരത്തില് ഗുജറാത്ത് ഫോര്ച്യൂണ് ജയ്ന്റ്സിന് വിജയം. തുടര്വിജയങ്ങളുമായി കുതിക്കുകയായിരുന്ന ദബാംഗ് ഡല്ഹിയെ 31-26 എന്ന പോയന്റ് നിലയിലാണ് ഗുജറാത്ത് മറികടന്നത്. ഇതോടെ ഗുജറാത്ത് സീസണില് കളിക്കാനിറങ്ങിയ മൂന്ന് മത്സരങ്ങളിലും ജയം സ്വന്തമാക്കിയപ്പോള് നാല് കളികളില്നിന്നും ഡല്ഹി മൂന്ന് വിജയങ്ങളുമായി പോയന്റ് പട്ടികയില് ഒന്നാം സ്ഥാനത്താണ്.
മോഹവിലയ്ക്ക് നിക്കോളാസ് പെപ്പെ ഇനി ആഴ്സണലില്; കരാര് അഞ്ച് വര്ഷത്തേക്ക്
ഇരു ടീമുകളും കരുതലോടെ കളിച്ച മത്സരത്തില് ഓള്റൗണ്ട് മികവാണ് ഗുജറാത്തിനെ വിജയത്തിലേക്ക് നയിച്ചത്. ജിബി മോറെ 9 പോയന്റുമായി ടീമിന്റെ ടോസ് സ്കോററായി. നാല് റെയ്ഡ് പോയന്റുകള്ക്കൊപ്പം നാല് ടാക്കിള് പോയന്റുകളും മോറെ സ്വന്തമാക്കി. രോഹിത് ഗുലിയ 8 പോയന്റ് നേടിയപ്പോള് സച്ചിന് നാല് പോയന്റും സ്വന്തമാക്കി. ടാക്കിളിങ്ങില് മറ്റു കളിക്കാര്ക്ക് കാര്യമായ മികവ് പുലര്ത്താനായില്ല.
ഡല്ഹിക്കുവേണ്ടി നവീന് കുമാര് 10 റെയ്ഡ് പോയന്റുകളാണ് നേടിയെടുത്തത്. ചന്ദ്രന് രഞ്ജിത്ത് 5 പോയന്റും സ്വന്തമാക്കിയപ്പോള് സഹകളിക്കാര് തീര്ത്തും നിറംമങ്ങി. തുടക്കത്തില് പിന്നിലായിപ്പോയ ടീം പിന്നീട് തിരിച്ചുകയറിയിരുന്നു. ആദ്യപകുതിയില് 14-11 എന്ന നിലയില് ലീഡെടുത്ത ഡല്ഹി ജയപ്രതീക്ഷയുണര്ത്തിയെങ്കിലും 19-18 എന്ന നിലയില് മുന്നില് കയറിയ ഗുജറാത്ത് പിന്നീട് തിരിഞ്ഞുനോക്കിയില്ല.