പൂണെ: പ്രോ കബഡി ലീഗ് ഏഴാം സീസണ് പൂണെ ലെഗില് നടന്ന മത്സരത്തില് ദബാംഗ് ഡല്ഹിക്കും പറ്റ്ന പൈറേറ്റ്സിനും ജയം. ഡല്ഹി 34-30 എന്ന സ്കോറിന് ഫോര്ച്യൂണ് ജയന്റ്സ് ഗുജറാത്തിനെ തോല്പ്പിച്ചപ്പോള് പൂണേരി പള്ട്ടാനെതിരെ വമ്പന് ജയമാണ് പറ്റ്ന പൈറേറ്റ്സ് സ്വന്തമാക്കിയത്. സ്കോര് 55-33. അവസാന അഞ്ച് മിനിറ്റില് പോയന്റ് വാരിക്കൂട്ടി പറ്റ്ന എതിരാളികളെ ബഹുദൂരം പിന്നിലാക്കുകയായിരുന്നു.
കടുത്ത പോരാട്ടംകണ്ട ദബാംഗ് ഡല്ഹി ഗുജറാത്ത് മത്സരത്തില് വിജയികള്ക്കുവേണ്ടി നവീന് കുമാര് 12 പോയന്റ് നേടി. വിജയ് 5 പോയന്റും സ്വന്തമാക്കി. ഗുജറാത്തിനായി രോഹിത് ഗുലിയ 13 പോയന്റുമായി തിളങ്ങിയെങ്കിലും സഹതാരങ്ങളുടെ പിന്തുണ കുറഞ്ഞു. 4 പോയന്റ് നേടിയ സച്ചിന് ആണ് രണ്ടാം സ്ഥാനത്ത്. ജയത്തോടെ പോയന്റ് പട്ടികയില് 64 പോയന്റുമായി ഒറ്റയ്ക്ക് കുതിപ്പ് നടത്തുകയാണ് ഡല്ഹി. നിലവിലെ റണ്ണറപ്പുകളായ ഗുജറാത്ത് ഒന്പതാം സ്ഥാനത്താണ്.
പ്രീമിയര് ലീഗ്: ആഴ്സണലിന് സമനിലപ്പൂട്ട്, എവര്ട്ടന് തോല്വി
പറ്റ്നയ്ക്ക് വമ്പന് ജയം സമ്മാനിച്ചത് സൂപ്പര്താരം പര്ദീപ് നര്വാളിന്റെ 18 പോയന്റ് പ്രകടനമാണ്. നീരജ് കുമാര് 11ഉം ഹാദി ഒഷ്ട്രാക്ക് 5ഉം പോയന്റും നേടി. പൂണേരി പള്ട്ടാനായി 8 പോയന്റ് നേടിയ മന്ജീത് ടോപ് സ്കോററായി. പങ്കജ് മോഹിത്(7), നിതിന് തൊമാര്(6), അമിത് കുമാര്(5) എന്നിവരാണ് മറ്റു സ്കോറര്മാര്. ജയിച്ചെങ്കിലും ആദ്യ ആറിലെത്താന് പൈറേറ്റ്സിന് കഴിഞ്ഞിട്ടില്ല. പ്ലേ ഓഫില് കടക്കാന് ഇരു ടീമുകള്ക്കും വരും മത്സരങ്ങളിലെ ജയം നിര്ണായകമാകും.