PKL 2025: ടൈറ്റന്‍സിന് വിജയവഴിയൊരുക്കി വിജയ്-ഭാരത് സഖ്യം, പാന്തേഴ്‌സിന് ആദ്യ തോല്‍വി

നിലവിലെ ചാമ്പ്യന്മാരായ ജയ്പൂര്‍ പിങ്ക് പാന്തേഴ്സിനെ പരാജയപ്പെടുത്തിയാണ് തെലുങ്ക് ടൈറ്റന്‍സ് പ്രോ കബഡി ലീഗ് സീസണ്‍ 12-ല്‍ പോയന്റ് പട്ടികയില്‍ അക്കൗണ്ട് തുറന്നിരിക്കുകയാണ്. വിശാഖപട്ടണത്ത് വിശ്വനാഥ് സ്പോര്‍ട്സ് ക്ലബ്ബില്‍ നടന്ന മത്സരത്തില്‍ ജയ്പൂര്‍ പിങ്ക് പാന്തേഴ്സിനെതിരെ 37-32 എന്ന സ്‌കോറിനായിരുന്നു ടൈറ്റന്‍സിന്റെ വിജയം. എട്ട് പോയിന്റുകള്‍ വീതം നേടി ക്യാപ്റ്റന്‍ വിജയ് മാലിക്കും റൈഡര്‍ ഭരത് ഹൂഡയും മുന്നില്‍ നിന്ന് നയിച്ചു.

അജിത് പവാറിന്റെ പ്രതിരോധ മികവ് ജയ്പൂരിന്റെ പോരാട്ടവീര്യം നിലനിര്‍ത്തി. മറുവശത്ത് നിതിന്‍ കുമാര്‍ ധങ്കറിന്റെ 13 പോയിന്റ് നേടിയ മികച്ച പ്രകടനം ഉണ്ടായിരുന്നിട്ടും, പിങ്ക് പാന്തേഴ്സ് പരാജയപ്പെട്ടു.

ആദ്യ മിനിറ്റുകളില്‍ ഇരു ടീമുകളും റെയ്ഡുകളും ടാക്കിളുകളും പരസ്പരം കൈമാറിയതോടെ മത്സരം തുല്യമായി. എന്നിരുന്നാലും, തുടര്‍ച്ചയായ മള്‍ട്ടി-പോയിന്റ് റെയ്ഡുകളിലൂടെ ഭാരത് വേഗത കൂട്ടി, റോണക് സിംഗിനെയും മീതുവിനെയും പുറത്താക്കി. സാഹില്‍ സത്പാലിനെയും പുറത്താക്കി. തുടര്‍ന്ന് അജിത് പവാറും പ്രതിരോധ യൂണിറ്റും തങ്ങളുടെ പിടി മുറുക്കിയതോടെ ആദ്യ പകുതി ആവേശകരമായി.

ആദ്യ പകുതി അവസാനിക്കുമ്പോള്‍, ടൈറ്റന്‍സ് നിര്‍ണായക പ്രഹരം ഏല്‍പ്പിച്ചു. റെസ മിര്‍ബഗേരിയുടെ പരാജയപ്പെട്ട റെയ്ഡ് ടൈറ്റന്‍സിന് ആദ്യ ഓള്‍ ഔട്ട് നടപ്പിലാക്കാന്‍ വാതില്‍ തുറന്നു. ഭാരത് സമര്‍ത്ഥമായി റെയ്ഡ് ചെയ്യുകയും വിജയ് മാലിക് സ്ഥിരമായ പോയിന്റുകള്‍ ചേര്‍ക്കുകയും ചെയ്തതോടെ, ടൈറ്റന്‍സ് 16-9 എന്ന മികച്ച കുഷ്യനുമായി ഇടവേളയിലേക്ക് പ്രവേശിച്ചു.

രണ്ടാം പകുതിയില്‍ നിതിന്‍ മികച്ച പ്രകടനം നടത്തിയപ്പോള്‍ ജയ്പൂര്‍ തിരിച്ചുവരികയാണെന്ന് തോന്നിച്ചു. നിതിന്‍ കുമാര്‍ തന്റെ ക്ലാസ് കാണിച്ചു. ചേതന്‍ സാഹുവിനെയും അവി ദുഹാനെയും പുറത്താക്കി തുടര്‍ച്ചയായ റെയ്ഡുകള്‍ നടത്തിയ അദ്ദേഹം, പ്രതിരോധത്തില്‍ മിര്‍ബഗേരിയുമായി ചേര്‍ന്ന് കമ്മി കുറച്ചു. പാന്തേഴ്സ് ഒടുവില്‍ ടൈറ്റന്‍സിനെ ഓള്‍ ഔട്ട് ആക്കി, പോയിന്റ് വ്യത്യാസം മൂന്ന് പോയിന്റാക്കി കുറച്ചു.

ജയ്പൂര്‍ കളിയുടെ നിയന്ത്രണം ഏറ്റെടുക്കുകയാണെന്ന് തോന്നുന്നതിനിടെയാണ് ടൈറ്റന്‍സ് നിര്‍ണ്ണായകമായി പ്രതികരിച്ചത്. നിതിന്റെ സൂപ്പര്‍ റെയ്ഡിന് ഭാരത് മറുപടി നല്‍കി, സാഹില്‍ സത്പാലിനെയും മിര്‍ബാഗേരിയെയും ഒരു ബോണസോടെ സ്വന്തമാക്കി. മത്സരം സമനിലയിലേക്ക് നീങ്ങിയപ്പോള്‍ ക്യാപ്റ്റന്‍ വിജയ് മാലിക് അവസരത്തിനൊത്ത് ഉയര്‍ന്നു. അവസാന മിനിറ്റുകളില്‍ അതിശയിപ്പിക്കുന്ന ഒരു സൂപ്പര്‍ റെയ്ഡ് നേടി മത്സരം ഉറപ്പിച്ചു. പിങ്ക് പാന്തേഴ്‌സിനെതിരായ ഏഴ് മത്സരങ്ങളില്‍ ടൈറ്റന്‍സിന്റെ ആദ്യ വിജയമായി 37-32 എന്ന സ്‌കോറിലുള്ള വിജയം