PKL 2025: ആശ്വാസ ജയം നേടി ബെംഗളൂരു.. പാട്‌ന അടിത്തട്ടില്‍ തന്നെ; പുതിയ പോയന്റ് പട്ടിക ഇങ്ങനെ

പ്രോ കബഡി ലീഗ് സീസണ്‍ 12 (പികെഎല്‍ 2025) ആവേശകരമായി മുന്നേറുകയാണ്. ഈ ആവേശം പോയന്റ് പട്ടികയിലും ദൃശ്യമാണ്. യു മുംബയും ഹരിയാന സ്റ്റീലേഴ്സും അവസാന മത്സരത്തില്‍ വിജയിച്ചതോടെ പോയിന്റ് പട്ടികയിലും മാറ്റം വന്നു. ഇരു ടീമുകളും പോയിന്റ് പട്ടികയില്‍ മുന്നേറിയതോടെ ഒന്നാം സ്ഥാനങ്ങള്‍ക്കായുള്ള മത്സരവും സജീവമായി. ആദ്യ മത്സരത്തില്‍ യു മുംബ മികച്ച പ്രകടനം കാഴ്ച വെച്ച് ബെംഗളൂരു ബുള്‍സിനെ 48-28 എന്ന സ്‌കോറിന് പരാജയപ്പെടുത്തി.

ക്യാപ്റ്റന്‍ സുനില്‍ കുമാറിന്റെ നേതൃത്വത്തില്‍ അവരുടെ പ്രതിരോധം ഉറച്ചു നിന്നു. അതേസമയം അജിത് ചൗഹാന്‍ ആറ് പോയിന്റ് റെയ്ഡ് ഉള്‍പ്പെടെ ഒരു സെന്‍സേഷണല്‍ സൂപ്പര്‍ 10 ഗോളിലൂടെ ശ്രദ്ധ പിടിച്ചുപറ്റി. സീസണിലെ ഇതുവരെയുള്ള ഏറ്റവും മികച്ച പ്രകടനമാണിത്. റിങ്കു ഹൈ ഫൈവ് നേടി ഓള്‍റൗണ്ട് പ്രകടനം പുറത്തെടുത്തതോടെ യു മുംബ പുനേരി പല്‍ട്ടാനുമൊത്ത് പോയിന്റ് പട്ടികയില്‍ ഒന്നാം സ്ഥാനത്തേക്ക് ഉയര്‍ന്നു.

രണ്ടാം മത്സരത്തില്‍ നിലവിലെ ചാമ്പ്യന്മാരായ ഹരിയാന സ്റ്റീലേഴ്സ് സീസണിലെ ഏറ്റവും മികച്ച തിരിച്ചുവരവുകളില്‍ ഒന്നായിരുന്നു നടത്തിയത്. യുപി യോദ്ധാസിനെതിരെ 11 പോയിന്റിന് പിന്നിലായിരുന്ന സ്റ്റീലേഴ്സ് ശ്രദ്ധേയമായ ഒരു തിരിച്ചുവരവ് നടത്തി 37-32 എന്ന സ്‌കോറിന് വിജയം നേടി. രാഹുല്‍ അഹ്രിയും രാഹുല്‍ സേത്ത്പാലും ഹൈ ഫൈവ്സ് നേടി. അതേസമയം, നിര്‍ണായക നിമിഷങ്ങളില്‍ നവീന്‍ കുമാര്‍ ആക്രമണാത്മക പ്രകടനം കാഴ്ചവച്ചു.

യോദ്ധാസിനായി ഗഗന്‍ ഗൗഡയുടെ സൂപ്പര്‍ 10 ഉണ്ടായിരുന്നിട്ടും, അവസാന ഘട്ടത്തില്‍ നിലവിലെ ചാമ്പ്യന്മാരായ സ്റ്റീലേഴ്‌സ് വളരെ ശക്തരാണെന്ന് തെളിയിച്ചു. അതിനിടെ പോയന്റ് പട്ടികയില്‍ പാട്‌ന പൈറേറ്റ്‌സ് ഒരു വിജയവുമില്ലാതെ താഴെ തുടരുകയാണ്. അതേസമയം ഹരിയാന സ്റ്റീലേഴ്സ് ഇപ്പോള്‍ യുപി യോദ്ധാസിനും ദബാംഗ് ഡല്‍ഹിക്കും ഒപ്പം 4 പോയിന്റ് പങ്കിടുന്നു. ആറ് പോയന്റുള്ള പുനേരി പാല്‍ട്ടാനും യു മുംബയുമാണ് ഒന്നും രണ്ടും സ്ഥാനങ്ങളില്‍.

ബെംഗാള്‍ വാരിയേഴ്‌സ്, തമിഴ് തലൈവാസ്, ജയ്പൂര്‍ പിങ്ക് പാന്തേഴ്‌സ്, തെലുഗു ടൈറ്റന്‍സ്, ബെംഗളൂരു ബുള്‍സ്, ഗുജറാത്ത് ജയന്റ്‌സ് എന്നിവര്‍ക്ക് 2 പോയന്റ് വീതമാണ് ഉള്ളത്. അവസാന സ്ഥാനത്തുള്ള പാട്‌ന പൈറേറ്റ്‌സിന് പോയന്റൊന്നും നേടാനായിട്ടില്ല.