ഐപിഎല്‍ ലേലം 2021 താരങ്ങളുടെ പട്ടിക

ഇന്ത്യന്‍ പ്രീമിയര്‍ ലീഗിന്റെ 14 ആം പതിപ്പിന് മുന്നോടിയായുള്ള താരലേലത്തിന് ഫ്രാഞ്ചൈസികള്‍ ഒരുങ്ങുകയാണ്. ഫെബ്രുവരി 18 -ന് താരലേലം നടക്കും. നേരത്തെ, ട്രാന്‍സ്ഫര്‍ വിന്‍ഡോ വഴി ഒരുപിടി താരങ്ങളെ ടീമുകള്‍ കൈമാറിയിരുന്നു. ഒപ്പം, പുതിയ ഐപിഎല്‍ സീസണില്‍ നിലനിര്‍ത്തിയതും വിട്ടുനല്‍കിയതുമായ താരങ്ങളുടെ പൂര്‍ണ പട്ടികയും ഫ്രാഞ്ചൈസികള്‍ പുറത്തുവിടുകയുണ്ടായി. ഇത്തവണ താരലേലത്തിന് 1,000 -ത്തില്‍പ്പരം ക്രിക്കറ്റര്‍മാരാണ് ലോകമെമ്പാടുനിന്നും പേര് രജിസ്റ്റര്‍ ചെയ്തത്. ഇതില്‍ നിന്നും 292 താരങ്ങളുടെ അന്തിമ പട്ടിക ഇന്ത്യന്‍ ക്രിക്കറ്റ് കണ്‍ട്രോള്‍ ബോര്‍ഡ് പ്രസിദ്ധീകരിച്ചിട്ടുണ്ട്. ഇന്ത്യയില്‍ നിന്ന് 164 താരങ്ങളാണ് ലേലത്തില്‍ വിളിക്കപ്പെടുക. 125 വിദേശ താരങ്ങളും അസോസിയേറ്റ് രാജ്യങ്ങളില്‍ നിന്ന് 3 താരങ്ങളും ലേലപ്പട്ടികയിലുണ്ട്. ചെന്നൈയില്‍ നടക്കാനിരിക്കുന്ന 2021 ഐപിഎല്‍ താരലേലത്തെക്കുറിച്ചുള്ള കൂടുതല്‍ വിവരങ്ങള്‍ ചുവടെ കാണാം.