പാരീസ്: വനിതാ ലോകകപ്പ് ഫുട്ബോളില് കരുത്തരായ ബ്രസീലിനെ അട്ടിമറിച്ച് ഓസ്ട്രേലിയ. 3-2 എന്ന സ്കോറിനാണ് കളം അടക്കിവാഴാനെത്തിയ ബ്രസീലിനെ ഓസ്ട്രേലിയ മുട്ടുകുത്തിച്ചത്. ഏഷ്യന് ടീമുകള് തമ്മില് നടന്നൊരു മത്സരത്തില് ചൈന സൗത്ത് കൊറിയയെ ഏകപക്ഷീയമായ ഒരു ഗോളിന് തോല്പ്പിച്ചു. ജയത്തോടെ ചൈന നോക്കൗട്ട് പ്രതീക്ഷ നിലനിര്ത്തി.
റൊണാള്ഡോയും റാമോസും കട്ട ഉടക്കില്; റാമോസിന്റെ കല്യാണത്തിന് റൊണാള്ഡോയ്ക്ക് ക്ഷണമില്ല
ഗ്രൂപ്പ് സി യില് ജയം ഉറപ്പിച്ചെത്തിയ ബ്രസീലിനെ തകര്പ്പന് തിരിച്ചുവരവിലൂടെയാണ് ഓസ്ട്രേലിയ മറികടന്നത്. മാര്ത്ത(27), റൊസേറ(38) എന്നിവര് നേടിയ ഗോളില് ബ്രസീല് മുന്നിലെത്തിയതാണ്. എന്നാല് കെയ്റ്റ്ലിന് ഫൂര്ഡ്(45+1) ലോഗ്രസോ(58) എന്നിവരിലൂടെ ഓസ്ട്രേലിയ സമനില സ്വന്തമാക്കി. മോണിക്ക ആല്വെസ്(66) വഴങ്ങിയ സെല്ഫ് ഗോളാണ് ഒടുവില് ഓസ്ട്രേലിയയ്ക്ക് ജയം സമ്മാനിച്ചത്. തോറ്റെങ്കിലും 3 പോയന്റുമായി ബ്രസീല് ആണ് ഗ്രൂപ്പില് ഒന്നാം സ്ഥാനത്ത്.
ഗ്രൂപ്പ് ബി യില് പ്രതിരോധക്കളി പുറത്തെടുത്ത കൊറിയയെ 40-ാം മിനിറ്റില് ലി യിങ് നേടിയ ഗോളിലാണ് ചൈന മറികടന്നത്. നിരന്തരം എതിര് ഗോള്മുഖത്ത് ആക്രമണം നടത്തിയ ചൈന അര്ഹിച്ച വിജയം സ്വന്തമാക്കി. 16 തവണ എതിര് ഗോള്മുഖം ലക്ഷ്യമാക്കി ചൈന ഷോട്ടുകളുതിര്ത്തപ്പോള് ആകെ 5 തവണമാത്രമാണ് കൊറിയയ്ക്ക് ആക്രമണം നടത്താനായത്.