ലുധിയാന: ആതിഥേയരായ പഞ്ചാബിനെ ഏകപക്ഷീയമായ ഒരു ഗോളിന് തോല്പ്പിച്ച് സര്വീസസ് സന്തോഷ് ട്രോഫി ചാമ്പ്യന്മാരായി. സന്തോഷ് ട്രോഫിയില് ആറാം കിരീടമാണ് സര്വീസസ് സ്വന്തമാക്കിയത്. ഗോള് രഹതിമായ ആദ്യ പകുതിക്കുശേഷം മത്സരത്തിന്റെ 61-ാം മിനിറ്റില് ബികാശ് താപ്പ സര്വീസസിന്റെ വിജയഗോള് നേടി.
ഐപിഎല്: ധോണി ഷോ പാഴായി... ത്രില്ലറില് ബാംഗ്ലൂര് രക്ഷപ്പെട്ടു, ജയം ഒരു റണ്ണിന്
ഇരുടീമുകളും ഒട്ടേറെ ഗോളവസരങ്ങള് ഉണ്ടാക്കിയെടുത്തെങ്കിലും കൂടുതല് ഗോളുകള് പിറന്നില്ല. ഗോള് വീണശേഷം പഞ്ചാബ് സമനിലക്കായി പൊരുതിക്കളിച്ചു. ഗ്രൂപ്പ് എ ചാമ്പ്യന്മാര് കൂടി ആയിരുന്ന സര്വീസസ് കര്ണാടകയെ മറികടന്നായിരുന്നു ഫൈനലിലെത്തിയത്. സെമിയില് ഗോവയെ തോല്പ്പിച്ചാണ് പഞ്ചാബ് കലാശക്കളിക്ക് അര്ഹരായത്.
2014-15 സീസണിലെ തോല്വിക്ക് മധുരമായി പകരംവീട്ടാനുള്ള അവസരമാണ് പഞ്ചാബ് നഷ്ടമാക്കിയത്. അന്നും പഞ്ചാബും സര്വീസസും തമ്മിലായിരുന്നു ഫൈനല്. ഷൂട്ടൗട്ടിലേക്ക് നീണ്ട മത്സരത്തില് സര്വീസസ് വിജയിച്ചിരുന്നു. സന്തോഷ് ട്രോഫിയില് അഞ്ചുതവണ സര്വീസസ് റണ്ണറപ്പായി.