ചേക്കേറുന്നത് റയലിലേക്ക്
സിനദിന് സിദാന് റയല് മാഡ്രിഡിലേക്ക് തിരിച്ചെത്തിയതോടെ വലിയ കൈമാറ്റങ്ങളാണ് ഇത്തവണ ലക്ഷ്യം വയ്ക്കുന്നത്. ക്രിസ്റ്റിയാനോ റൊണാള്ഡോയുടെ അഭാവം നികത്താന് സൂപ്പര് താരങ്ങളെ സിദാന് തിരയുമ്പോള് പല പ്രമുഖ ക്ലബ്ബുകളും ആശങ്കയിലാണ്. ഫ്രാന്സിന്റെ ഇതിഹാസ താരങ്ങളിലൊരാളായിരുന്ന സിദാന് നേരത്തെ തന്നെ പോഗ്ബയെ ടീമിലെത്തിക്കാന് താല്പ്പര്യമുണ്ടായിരുന്നു. അന്നത് നടന്നില്ലെങ്കിലും മടങ്ങിവരവില് രണ്ടും കല്പ്പിച്ചാണ് സിദാന്. സിദാന് കീഴില് കളിക്കുന്നത് ഏതു താരത്തിന്റെയും സ്വപ്നമാണെന്നും റയല് മാഡ്രിഡ് ആരെയും മോഹിപ്പിക്കുന്ന ക്ലബ്ബാണെന്നും പോഗ്ബ പറഞ്ഞു. എന്നാല് യുണൈറ്റഡില് സംതൃപ്തനാണെന്നും ഉടനെ ക്ലബ്ബ് വിടില്ലെന്നും പോഗ്ബ കൂട്ടിച്ചേര്ത്തു. എന്നാല് പോഗ്ബ ടീം മാറുമെന്ന സൂചനകളാണ് സ്പാനിഷ് മാദ്ധ്യമങ്ങള് പുറത്തുവിടുന്നത്.
യുണൈറ്റഡിലെ വിശ്വസ്തന്
മദ്ധ്യനിരയിലെ വിശ്വസ്തനായ പോഗ്ബ 2016ല് യുവന്റസില് നിന്നാണ് മാഞ്ചസ്റ്റര് യുണൈറ്റഡിലെത്തിയത്. ക്ലബ്ബിനുവേണ്ടി 84 മത്സരങ്ങളില് ബൂട്ടണിഞ്ഞ താരം 22 തവണ വലകുലുക്കി. പോഗ്ബ കളിച്ച 53 മത്സരങ്ങളും യുണൈറ്റഡ് ജയിച്ചപ്പോള് തോറ്റത് വെറും 11 മത്സരങ്ങള്. പോഗ്ബ ഇപ്പോള് ക്ലബ്ബുവിട്ടാല് യുണൈറ്റഡിനെ അത് പ്രതികൂലമായി ബാധിക്കുമെന്നുറപ്പ്.
ആരാധക വോട്ടെടുപ്പില് എംബാപ്പെ
റയല് മാഡ്രിഡിന്റെ നിലവിലെ പ്രതിസന്ധി മറികടക്കാന് ഏതു താരം ടീമിലെത്തണമെന്നത് സംബന്ധിച്ച് സ്പാനിഷ് ന്യൂസ് ഔട്ട്ലെറ്റായ മാര്ക്ക നടത്തിയ വോട്ടെടുപ്പില് പി.എസ്.ജിയുടെ കെയ്ലിയന് എംബാപ്പയാണ് ഒന്നാമതെത്തിയത്. 2 ലക്ഷം ആളുകള് പങ്കെടുത്ത വോട്ടെടുപ്പില് 79 ശതമാനം ആരാധകരും എംബാപ്പയ്ക്ക് അനുകൂലമെത്തണമെന്നാണ് അഭിപ്രായപ്പെട്ടത്. പോഗ്ബയ്ക്ക് 38 ശതമാനം വോട്ട് ലഭിച്ചപ്പോള് നെയ്മര് ടീമിലെത്തണമെന്ന് മൂന്ന് ശതമാനം ആളുകള് മാത്രമാണ് ആവശ്യപ്പെട്ടത്.