മോഹന് ബഗാന് ഐ ലീഗ് ചാംപ്യന്മാരായി. കൊറോണ ഭീതിയുടെ പശ്ചാത്തലത്തില് ഫുട്ബോള് ലോകം സ്തംഭിച്ചു നില്ക്കുന്ന പശ്ചാത്തലത്തിലാണ് മോഹന് ബഗാനെ ഐ ലീഗ് ചാംപ്യന്മാരാക്കാനുള്ള അഖിലേന്ത്യാ ഫുട്ബോള് ഫെഡറേഷന്റെ തീരുമാനം. ലീഗില് ബാക്കിയുണ്ടായിരുന്ന 28 മത്സരങ്ങളും ലീഗ് സമിതി വേണ്ടെന്നുവെച്ചു.
അടുത്ത സീസണ് മുതല് രണ്ടാം ഡിവിഷന് ക്ലബുകള്ക്കായി പുതിയ ചെറു ടൂര്ണമെന്റ് സംഘടിപ്പിക്കാനുള്ള ആലോചനയും ഫുട്ബോള് ഫെഡറേഷനുണ്ട്. ചെറു ടീമുകള്ക്ക് ഹീറോ ഐ ലീഗ് ചാംപ്യന്ഷിപ്പിലേക്കുള്ള വാതില്പ്പടിയാകും പുതിയ ടൂര്ണമെന്റ്. ഇതേസമയം, രണ്ടാം ഡിവിഷന് ക്ലബുകള്ക്കായി യോഗ്യതാ ടൂര്ണമെന്റ് സംഘടിപ്പിക്കണമെങ്കില് ഏഷ്യന് ഫുട്ബോള് കോണ്ഫഡേഷന്റെ അനുമതി അഖിലേന്ത്യാ ഫുട്ബോള് ഫെഡറേഷന് തേടേണ്ടതുണ്ട്. വൈകാതെത്തന്നെ ഇരു ഫുട്ബോള് ബോര്ഡുകളും ഇക്കാര്യം ചര്ച്ച ചെയ്യും.
നിലവില് കൊറോണ ആശങ്ക വിട്ടൊഴിയാത്ത സാഹചര്യത്തിലാണ് മോഹന് ബഗാനെ ഐ ലീഗ് ചാംപ്യന്മാരായി വാഴിക്കാനുള്ള അഖിലേന്ത്യാ ഫുട്ബോള് ഫെഡറേഷന്റെ തീരുമാനം. ഇതോടെ 2019-20 ഐ ലീഗ് സീസണിന് വിരാമമായി. ഐ ലീഗ് കിരീടം മോഹന് ബഗാന്റെ പേരിലുമായി. ലീഗിലെ മറ്റു മത്സരങ്ങള് റദ്ദു ചെയ്ത പശ്ചാത്തലത്തില് ഈ മത്സരങ്ങളുടെ പ്രൈസ് മണി പത്തു ടീമുകളും തുല്യമായി പങ്കിടും. എന്നാല് ചാംപ്യന്സ് പ്രൈസ് മണി മോഹന് ബഗാന് സ്വന്തം.
Most Read: അക്രമിനെ കൊല ചെയ്തേനെ!! അങ്ങനെ പറഞ്ഞിരുന്നെങ്കില്... പക്ഷെ അതുണ്ടായില്ല — അക്തര്
ലീഗ് പൂര്ത്തിയാകാത്തതിനെത്തുടര്ന്ന് വ്യക്തിഗത പ്രൈസ് മണി ഇക്കുറിയില്ല. ഐ ലീഗിന് പുറമെ ഹീറോ സബ് ജൂനിയര് ലീഗ്, ഹീറോ ജൂനിയര് ലീഗ്, ഹീറോ എലൈറ്റ് ലീഗ്, പെണ്കുട്ടികളുടെ അണ്ടര് 17 ഖേലോ ഇന്ത്യ ലീഗ് എന്നീ ടൂര്ണമെന്റുകളും അഖിലേന്ത്യാ ഫുട്ബോള് ഫെഡറേഷന് റദ്ദു ചെയ്തിട്ടുണ്ട്. നിലവില് മെയ് 3 വരെയാണ് ഇന്ത്യയില് കൊറോണ ഭീതിയെത്തുടര്ന്ന് സമ്പൂര്ണ ലോക്ക് ഡൗണ് പ്രഖ്യാപിച്ചിരിക്കുന്നത്.
Most Read: കോലി + രോഹിത് = സച്ചിന് + ദ്രാവിഡോ? ഒരിക്കലുമല്ല! അവര് വേറെ ലെവലെന്ന് മുന് പാക് താരം