ISL: പ്രതിരോധം ശക്തമാക്കി മഞ്ഞപ്പട, ഡിഫന്‍ഡര്‍ സന്ദീപ് സിങ് ബ്ലാസ്റ്റേഴ്‌സുമായി കരാറൊപ്പിട്ടു

By Staff

കൊച്ചി: ഐഎസ്എല്ലിന്റെ ഏഴാം സീസണില്‍ സന്ദീപ് സിങ് കേരള ബ്ലാസ്റ്റേഴ്‌സിനായി കളിക്കും. ഒരു വര്‍ഷത്തെ കരാറിലാണ് സന്ദീപ് എത്തുക. മണിപ്പൂരിലെ ഇംഫാലില്‍ നിന്നുള്ള 25കാരനായ പ്രതിരോധ താരമായ സന്ദീപ് ഷില്ലോംഗ് ലജോംഗ് അക്കാദമിയില്‍ നിന്ന് തന്റെ ഫുട്‌ബോള്‍ യാത്ര ആരംഭിക്കുകയും 2014 ല്‍ അവരുടെ സീനിയര്‍ ടീമിലേക്ക് സ്ഥാനക്കയറ്റം നേടുകയും ചെയ്തു. അടുത്ത വര്‍ഷം പൂനെ എഫ്സിക്കെതിരെ സീനിയര്‍ ടീമില്‍ അരങ്ങേറ്റം കുറിച്ചു.

കഴിഞ്ഞ ഐഎസ്എല്‍ സീസണില്‍ എടികെ എഫ്‌സിയില്‍ എത്തുന്നതിനുമുന്‍പായി 2017-2018 സീസണില്‍ ലാങ്സ്‌നിംഗ് എഫ്‌സിയെ പ്രാതിനിധീകരിച്ചു. കഴിഞ്ഞ ഐലീഗ് സീസണില്‍ (2019-20) ട്രാവു എഫ്സിക്കായി 8 മത്സരങ്ങളില്‍ ബൂട്ടണിഞ്ഞ വലംകാല്‍ പ്രതിരോധതാരമായ സന്ദീപ്, അവിടെ നിന്നാണ് ബ്ലാസ്റ്റേഴ്‌സിലേക്കു ചേക്കേറിയത്.

ഈ അഭിമാനകരമായ ക്ലബിന്റെ ഭാഗമാകാന്‍ കഴിഞ്ഞതില്‍ അതിയായ സന്തോഷമുണ്ട്. പുതിയ ടീമിനെ കാണാനും വരാനിരിക്കുന്ന സീസണില്‍ ഒരുമിച്ച് പ്രവര്‍ത്തിക്കാനും ആകാംക്ഷയോടെ കാത്തിരിക്കുകയാണ്. ബ്ലാസ്റ്റേഴ്‌സിന്റെ ആരാധകര്‍ എല്ലായ്‌പ്പോഴും ടീമിന് അപാരമായ പിന്തുണയാണ് നല്‍കുന്നത്. ആ പിന്തുണ നേടുവാനും അവര്‍ക്ക് അഭിമാനമേകുന്ന പ്രകടനം കാഴ്ചവെക്കുന്നതിനും സാധിക്കുമെന്ന് പ്രതീക്ഷിക്കുന്നതായി ബ്ലാസ്റ്റേഴ്‌സുമായി കരാറില്‍ ഏര്‍പ്പെട്ടുകൊണ്ട് സന്ദീപ് പറഞ്ഞു.

ഐ ലീഗില്‍ നിരവധി മത്സരങ്ങള്‍ കളിച്ച സന്ദീപ് പരിചയസമ്പന്നനായ കളിക്കാരനാണ്. കാലക്രമേണ, ശക്തനും മികവുറ്റ പ്രതിരോധതാരവുമായി വളര്‍ന്ന അദ്ദേഹം ഐഎസ്എല്ലില്‍ തന്റെ കഴിവുകള്‍ ബ്ലാസ്റ്റേഴ്‌സിനൊപ്പം പ്രദര്‍ശിപ്പിക്കേണ്ട സമയമാണിത്. അദ്ദേഹത്തിന് എല്ലാ ഭാഗ്യവും നേരുന്നു, ഒപ്പം അദ്ദേഹത്തോടൊപ്പം ഉടന്‍ പ്രവര്‍ത്തിക്കാന്‍ ആഗ്രഹിക്കുന്നുവെന്നും ബ്ലാസ്റ്റേഴ്‌സിന്റെ അസിസ്റ്റന്റ് കോച്ച് ഇഷ്ഫാഖ് അഹമ്മദ് വ്യക്തമാക്കി.

For Quick Alerts
ALLOW NOTIFICATIONS
For Daily Alerts
Story first published: Saturday, August 22, 2020, 18:48 [IST]
Other articles published on Aug 22, 2020
ഇന്ത്യയിലെ എക്കാലത്തെയും ഏറ്റവും വലിയ തിരഞ്ഞെടുപ്പ് സർവ്വേ.. നിങ്ങൾ ഇനിയും പങ്കെടുത്തില്ലേ?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X