മെസ്സിയെ വീണ്ടും കാണാം
അര്ജന്റീനയുടെ പ്രശസ്തമായ ജഴ്സിയില് മെസ്സിയെ വീണ്ടും കാണാനാവുമെന്നാണ് വാല്വെര്ഡെ ഉറപ്പിച്ചു പറയുന്നത്. മെസ്സി ദേശീയ ടീമിലേക്കു തിരിച്ചുപോവണമെന്ന് ആഗ്രഹിക്കുന്നുണ്ടെന്ന് നമുക്കറിയാം. തീര്ച്ചയായും അത് തന്നെ സംഭവിക്കും.
മെസ്സി അര്ജന്റീനയ്ക്കു വേണ്ടി കളിക്കണമെന്നു തന്നെയാണ് ബാഴ്സയും ആഗ്രഹിക്കുന്നത്. അര്ജന്റീനയുടെ ജഴ്സിയില് മെസ്സിയെ വീണ്ടും കാണാനായാല് അദ്ദേഹം ആഹ്ലാദവാനാണ് എന്നു തന്നെയാണ് അര്ഥമെന്നും വാല്വെര്ഡെ വിശദമാക്കി.
ഇനിയുമേറെ ചെയ്യാനുണ്ട്
അര്ജന്റീനയ്ക്കു വേണ്ടി ഇനിയും പലതും ചെയ്യാന് മെസ്സിക്കു സാധിക്കും. ഇപ്പോഴുള്ള മാറിനില്ക്കല് താല്ക്കാലികം മാത്രമാണ്. എവിടെ കളിച്ചാലും മെസ്സിക്ക് നല്ല പ്രകടനം നടത്തണമെന്നു മാത്രമാണ് തങ്ങളുടെ ആഗ്രഹമെന്നും വാല്വെര്ഡെ പറഞ്ഞു.
നേരത്തേ അര്ജന്റീന ഫുട്ബോള് അസോസിയേഷന് പ്രസിഡന്റ് ക്ലോഡിയോ ടാപ്പിയയും മെസ്സിയുടെ തിരിച്ചുവരവുമായി ബന്ധപ്പെട്ട് പോസിറ്റീവായാണ് സംസാരിച്ചത്. മെസ്സി ടീമില് തിരികെയെത്തുമെന്ന് ഉറപ്പുണ്ടെന്നും അദ്ദേഹം സൂചിപ്പിച്ചിരുന്നു.
അരങ്ങേറ്റം 2005ല്
2005 ആഗസ്റ്റിലാണ് അര്ജന്ീറീനയ്ക്കു വേണ്ടി മെസ്സി അരങ്ങേറിയത്. ഇതുവരെ 128 മല്സരങ്ങില് കളിച്ച അദ്ദേഹം 65 ഗോളുകള് നേടിയിട്ടുണ്ട്. റഷ്യന് ലോകകപ്പിനു മുമ്പ് കളിച്ച മൂന്നു പ്രധാന ഫൈനലുകളിലും അര്ജന്റീന തോറ്റതിനെ തുടര്ന്ന് മെസ്സി ഏറെ അസ്വസ്ഥനായിരുന്നു.
2016ലെ കോപ്പ അമേരിക്ക ഫൈനലിലെ പരാജയത്തില് മനം നൊന്ത് വിരമിക്കല് പ്രഖ്യാപിച്ച അദ്ദേഹം പിന്നീട് തീരുമാനം പിന്വലിച്ച് കളിക്കളത്തില് തിരിച്ചെത്തുകയായിരുന്നു.
അതുപോലൊരു ട്വിസ്റ്റ് തന്നെയാണ് 31കാരനില് നിന്നും ഇത്തവണയും അസോസിയേഷനും ആരാധകരും ഫുട്ബോള് പ്രേമികളുമെല്ലാം പ്രതീക്ഷിക്കുന്നത്.