ബാഴ്സലോണ: പുതിയ പരിശീലകന് ക്വിക്കെ സെറ്റിയന് കീഴില് ബാഴ്സലോണയ്ക്ക് ലാ ലീഗയിലെ ആദ്യ ജയം. ഗ്രനാഡയെ നേരിടാന് സ്വന്തം മൈതാനത്തിറങ്ങിയ ബാഴ്സ എതിരില്ലാത്ത ഒരു ഗോളിനാണ് ജയിച്ചത്. 78-ാം മിനിറ്റില് ലയണല് മെസ്സി വിജയഗോള് നേടി. ലീഗിലെ മറ്റു മത്സരഫലങ്ങള്, മല്ലോര്ക്ക 4-1 വലെന്സിയ, റയല് ബെറ്റിസ് 3-0 റയല് സൊസിഡാഡ്, എസ്പാനിയോള് 2-1 വിയ്യാറയല്, അത്ലറ്റിക്ക് ക്ലബ്ബ് 1-1 സെല്റ്റ വിഗോ. ലീഗില് 20 കളികളില് നിന്നും 43 പോയന്റുള്ള ബാഴ്സലോണ ഒന്നാം സ്ഥാനത്തും ഇത്രതന്നെ പോയന്റുമായി റയല് മാഡ്രിഡ് രണ്ടാം സ്ഥാനത്തുമാണ്.
ഇറ്റാലിയന് സീരി എ യില് ഒന്നാം സ്ഥാനത്തുള്ള യുവന്റസ് 2-1ന് പാര്മയെ കീഴടക്കി. ക്രിസ്റ്റ്യാനോ റൊണാള്ഡോ(43, 58)യുടെ ഇരട്ടഗോളാണ് ടീമിന് തുണയായത്. കോര്ണെലിസ്(55) ഒരു ഗോള് മടക്കി. അതേസമയം, ഇന്റര്മിലാന് ലീസ് മത്സരം 1-1 എന്ന നിലയില് സമനിലയില് പിരിഞ്ഞു. മറ്റു മത്സരഫലങ്ങള്, മിലാന് 3-2, ബൊളോഗന 1-1 വെറോണ, ബ്രെസിക്ക 2-2 കാഗ്ലിയാരി, റോമ 3-1 ജെനോവ. ലീഗില് 20 കളികളില്നിന്നും 51 പോയന്റുമായി യുവന്റസ് ഒന്നാമതും 47 പോയന്റുമായി ഇന്റര്മിലാന് രണ്ടാം സ്ഥാനത്തും നില്ക്കുന്നു.
ടെസ്റ്റ് ക്രിക്കറ്റില് ചരിത്രമെഴുതിയ ഇന്ത്യന് താരം കരുണ് നായര് വിവാഹിതനായി
ജര്മന് ബുണ്ടസ് ലീഗയില് ബയേണ് മ്യൂണിക്ക് വമ്പന് ജയം ആഘോഷിച്ചു. എതിരില്ലാത്ത നാലു ഗോളുകള്ക്ക് ഹെര്ത്തയെ ടീം പരാജയപ്പെടുത്തി. തോമസ് മുള്ളര്(60), ലെവന്ഡോസ്കി(73), തിയാഗോ അല്ക്കാന്ട്ര(76), പെരിസിച്ച്(84) എന്നിവരാണ് ഗോള് സ്കോറര്മാര്. മറ്റൊരു മത്സരത്തില് ബയര് ലെവര്കൂസന് 4-1ന് പാഡര്ബോണിനേയും പരാജയപ്പെടുത്തി. ലീഗില് 18 കളികളില്നിന്നും 40 പോയന്റുമായി ലെയ്പ്സിഗ് ഒന്നാം സ്ഥാനത്തും 35 പോയന്റുമായി ഗ്ലാഡ്ബെഷ് രണ്ടാംസ്ഥാനത്തുമാണ്.